PM:01:09:02/12/2025
428 جار خوێندراوەتەوە
سەرۆک کۆماری تورکیا دەڵێت، پڕۆسەی ئاشتی دەرگای سەردەمێکی نوێ دەکاتەوە، دەوڵەت باخچەلیش دەڵێت، پرۆسەی ئاشتی هەر دەبێت بگاتە ئەنجام و پاشەکشێی لێ ناکرێت.
ئەمڕۆ ٢ـی کانونی یەکەمی ٢٠٢٥، رەجەب تەیب ئەردۆغان، سەرۆک کۆماری تورکیا لەسەر پرۆسەی ئاشتی وتی، ئامانجی ئەم پرۆسەیە ئەوەیە، گەورەترین ئاستەنگەکانی بەردەم ئابووری، ئاشتی و خوشک و برایەتی نەهێڵێت.
دەشڵێت، ناوچەکە لە خوێنڕشتن و پێکدادان تێر بووە و بە پێچەوانەی
ئەوانەی کە وەبەرهێنان لە خوێنڕشتن و ئاژاوەدا دەکەن، تورک و کورد و عەرەب بە
برایەتی و پێکەوەیی سەردەکەون.
ئەردۆغان ئەوەشی خستەڕوو، پرۆسەی ئاشتی، گیانی خوشک و برایەتی بەهێز
دەکات و هەموو پلانە چەپەڵەکان پووچەڵ دەکاتەوە، باسی لەوەشکرد، با کەس گومانی
لەوە نەبێت پێکەوە ئامانجەکان بەدی دەهێنن.
