وەزارەتی دارای هەرێم خشتەی مووچەی مانگی نۆی فەرمانبەران و مووچەخۆرانی هەرێمی بڵاوکردەوە و بڕیارە سبەینێ دابەش بکرێت.
ئەمڕۆ شەممە ٢٩ـی تشرینی دووەمی ٢٠٢٥، دارایی و ئابووری حکومەتی ماوەبەسەرچوو خشتەی مووچەی مانگی نۆی فەرمانبەران و مووچەخۆرانی هەرێمی بڵاوکردەوە و دەڵێت، رۆژی یەکشەممە دابەش دەکرێت و رۆژی چوارشەممە کۆتایی بە دابەشکردنی دێت.
بە گوێرەی
راگەیەندراوەکە، سبەینێ وەزارەتەکانی (خانەنشینی شارستانی و پێشمەرگە، ، زیندانییە
سیاسییەکان و بەرکەوتووانی کیمیاباران، کەس و کاری شەهیدان و ئەنفالکراوان،
پەروەردە، تەندروستی، خوێندنی باڵا و توێژینەوەی زانستی)مووچەی مانگی نۆ وەردەگرن.
هاوکات، رۆژی دووشەمە مووچەی (دەستەکانی مافی مرۆڤ و
دەستپاکی و وەبەرهێنان و ژینگە و دەزگای مین و کۆمسیۆن و دیوانی چاودێریی دارایی و
وەزارەتەکانی ناوخۆ و دارایی و ئاوەدانکردنەوە و خاوەن پێداویستی تایبەت) دابەشدەکرێت.
هەر رۆژی دووشەممە موچەی وەزارەتەکانی (داد ،
پلاندانان ، بازرگانی ، سامانە سروشتیەکان ، کشتوکاڵ ، شارەوانی ، کاروباری
کۆمەڵایەتی ، کارەبا ، رۆشنبیری ، ئەوقاف، هێزی زێرەڤانی و بەرگریی فریاکەوتن و سێ
سەرۆکایەتیەکە) دابەشدەکرێت.
ئەوەش هاتووە، رۆژی سێ شەممە مووچەی (وەزارەتی
پێشمەرگە، هێزەکانی ٧٠ و ٨٠ ، ئاسایش و پۆلیسی نەوت و غاز) دابەشدەکرێت.