PM:03:03:07/10/2025
776 جار خوێندراوەتەوە
بەهۆکارێکی نادیار ئاگرێکی گەورە لەسنووری گوندی باراو لە شارباژێڕ کەوتەوە و بەهۆیەوە ٢٠ دۆنم دارستان و پوش و پاوان سووتا.
ئەمڕۆ سێشەممە ٧ـی تشرینی ٢٠٢٥، پۆلیسى دارستان و ژینگەى سلێمانى بڵاوى کردەوە، هەر لەسەرەتاوە مەفرەزە و کارمەندانی بنکەی پۆلیسی دارستانی سیتەک و بەرزنجە هەروەها تیمی بەرگری شارستانی سیتەک گەیشتنە شوێنی رووداوەکە، بە هەموولایەک و بە بەشدارى خەڵکى دڵسۆز و ژینگەدۆست، توانرا ئاگرەکە کۆنترۆڵ بکرێت.
بەپێی
دەرئەنجامە سەرەتاییەکان نزیکەی ٢٠ بیست دۆنم لە پوش و دارستانی سروشتی و بەشێک لە
رەز و باخی هاوڵاتیان سوتاون و زیانیان پێگەیشتووە .
پۆلیسى دارستان
ئاماژەی بەوەشکردووە، لێکۆڵینەوە و بەدواداچوون بەردەوامە بۆ دۆزینەوەی هۆکاری
سەرەکی کەوتنەوەی ئاگرەکە.
