وتەبێژی وەزارەتی کشتوکاڵی عێراق رایگەیاند، وەزارەتی کشتوکاڵ زیاتر لە ٤٠٠ ملیار دیناری تەرخان کردووە بۆ قەرەبووکردنەوەی ئەو جوتیار و بەخێوکەری ماسییانەی لە ساڵی ٢٠١٩ بەهۆی لافاوەوە زیانیان بەرکەوت.
ئەمڕۆ یەکشەممە، محەمەد خەزعەلی وتەبێژی وەزارەتی کشتوکاڵی عێراق رایگەیاند، حکومەتی عێراق هەوڵەکانی بۆ گۆڕانکارییەکی بنەڕەتییە لە مامەڵەکردن لەگەڵ جوتیاراندا و ئەوەش بووە هۆی بوژاندنەوەی کەرتی کشتوکاڵ.
ئاماژەی بەوەش کرد، وەزارەتی کشتوکاڵ زیاتر
لە ٤٠٠ ملیار دیناری خەرج کردووە بۆ قەرەبووکردنەوەی ئەو جوتیار و بەخێوکەری ماسییانەی
لە ساڵی ٢٠١٩ بەهۆی لافاوەوە زیانیان بەرکەوت.
ئەوەشی خستە روو، دوای سەرژمێریکردنی ئەو تەواوی ئەو
جوتیار و زەوییانەی زیانیان بەرکەوت سەرجەمیان قەرەبوو دەکرێنەوە.
لە ساڵی ٢٠١٩ بەهۆی شەپۆلێکی بارانبارین کە
رووی لە عێراق کردبوو لافاو دروست بوو و بەهۆیەوە، زیان بەر چەندان ماڵ و بازاڕ
کەوت.