وەزارەتی بەرگری عێراق رایگەیاند، دەروازەی وەرگرتنی خولی ئەفسەری ژمارە ١١٣ی کۆلێژی سەربازی رۆستەمیەی بە رووی دەرچووانی ئامادەیی بەشەکانی زانستی و ئەدەبی و بازرگانی و پیشەسازی ساڵی خوێندنی ٢٠٢٠ – ٢٠٢١ و ساڵی خوێندنی ٢٠٢١ – ٢٠٢٢ کردەوە.
بەپێی راگەیاندراوی وەزارەتی بەرگری، دەرچووانی ئەو بەشانە دەتوانن لە ئەمڕۆ شەممەوە هەتاوەکو رۆژی سێشەممە داواکاری وەرگرتن پێشکەش بکەن.
لینکی پڕکردنەوەی فۆڕم:
https://eformsmod.ur.gov.iq
بەپێی راگەیندراوەکە مەرجەکانی وەرگرتن بۆ خولی ئەفسەری
بەم شێوەیە دەبێت:
١.داواکار پێویستە
بە رەگەز عێراقی بێت و بەهەمان شێوە دایک و باوکیشی عێراقی بن.
٢.ئەو هاوڵاتیانەی
داواکاری وەرگرتن پێشکەش دەکەن نابێت تەمەنیان لە ١٨ ساڵ کەمتر و لە ٢٢ ساڵ زیاتر
بێت، هاوکات ئەو کەسانەی ماوەی سێ ساڵ خزمەتی سەربازییان هەیە و داواکاری وەرگرتن
لە خولی ئەفسەری پێشکەش دەکەن نابێت تەمەنیان لە ٢٤ ساڵ زیاتر بێت.
٣. رەوشت و کەسایەتی
باش بێت.
٤. خاوەنی بڕوانامەی
ئامادەیی یەکێک لە بەشەکانی زانستی و ئەدەبی ساڵی ٢٠٢٠ – ٢٠٢١ یان ٢٠٢١ – ٢٠٢٢ بێت
بە مەرجێک کۆنمرەی لە ٧٠ کەمتر نەبێت.
٥. دەرچووی ئامادەیی
لە کۆلێژەکانی پیشەسازی و بازرگانی لە بەشەکانی (ئۆتۆمبێل، ئەلکترۆنی، کارەبا)،
دەبێت یان ساڵی ٢٠٢٠ – ٢٠٢١ یان ٢٠٢١ – ٢٠٢٢ بێت و کۆنمرەی لە ٨٠ نمرە کەمتر نەبێت.
٦. بنەماڵەی شەهید
بەشێوەیەکی جیاواز هەژمار دەکرێت.
٧. لە چاوپێکەوتنی
لیژنەی کێشەی وەزارەتی بەرگری دەرچووبێت.
٨. سەر بە هیچ
حزب و جووڵانەوەی سیاسی و رەوتێک نەبێت.
٩. هیچ تۆمارێکی
پێشووی تاوانی دادگای سەربازی و تاوانی نا سیاسی و تاوانی ناموسی نەبێت.
١٠. لە هیچ خولیکی
کراوەی کۆلێژە سەربازییەکان دەرنەکرابێت و دەرنەچووی خوێندنی سەربازی نەبێت و تۆماری
هەڵهاتوو لە سوپای نەبێت.
١١. خاوەن مەرجەکانی
جەستەیی و تەندروستی و دەروونی بێت لەلایەن لیژنەی تەندروستی پسپۆڕەوە.
١٢. درێژی باڵای لە ١٦٥ سانتیمەتر کەمترنەبێت.
١٣.چانسی وەرگرتن بەپێی بەرزی نمرەیە.
١٤.فۆڕمەکان لە ١٥ بۆ ٢٥ی ١٠ی ٢٠٢٢ چالاک دەبن.