فیلمی هیوا و ژیانەوە کە
٢٢هەمین بەرهەمی گروپی هونەری خێزانە، لە سیناریۆ و دەرهێنانی ڕێبوار محەمەدە و
سبەی چوارشەممە لە هۆڵی سینەما سالم نمایش دەکرێت.
لەلێدوانێکدا بۆ ئێن
ئاڕتی دوو، دەر‌هێنەری فیلمەکە رێبوار محەمەد رایگەیاند، "ماوەی فیلمەکە ٦٠ خولەکە و لەناو شاری سلێمانی کاری وێنەگرتنی
بۆ کراوە، نزیکەی ٣٠ ئەکتەر بەشداری تێدا کردووە".
ئاماژەی بەوەشکرد، "ناوەڕۆکی
ئەم فیلمە باس لە چەند چیرۆک و بەسەرهاتێکی تووشبووان بە نەخۆشی شێرپەنجە دەکات کە
هەزاران چیرۆک لە پشت ئەو نەخۆشییەوە هەیە، کە بەداخە وە نەخۆشی شێرپەنجە بووە بە
دیاردە لە ناو کۆمەڵگەکەمان".
وتیشی، "ئامانجمان
گەیاندنی هۆشیاری خەڵکی و گەیاندنی پەیامی جوانە لەڕێگای فیلمەکەوە".
باسی لەوەشکرد، فیلمی هیوا
و ژیانەوە لەڕۆژی ٢٠٢٤/٦/٢٦ ڕۆژی چوارشەممە
لە هۆڵی سینەما سالم کاتژمێر پێنجی ئێوارە
نمایش دەکرێت، ئاماژە بەوەشکرد نمایشی فیلمەکە بێبەرامبەرە.