ئاماژەی بەوەشداوە، "لە کۆبوونەوەکەدا ھەردوولا باسیان لە دەرفەتەکان و چۆنیەتی برەودان بە پەیوەندییەکانی تورکیا لەگەڵ عێراق و ھەرێمی کوردستان و فراوانکردنی بوارەکانی ھاریکاریی ھاوبەش و پێشخستنی زیاتری جوڵەی بازرگانی و ئابوریی کردووە."

سەرۆکایەتی هەرێم ئەوەشی خستووەتەڕوو، "دۆخی عێراق و ئاڵنگارییەکانی بەردەم پرۆسەی سیاسی لە عێراق تەوەرێکی دیکەی کۆبوونەکە بووە کە تیایدا ھەردوولا ھاوڕابوون لەسەر گرنگی گەیشتنی ھێز و لایەنە عێراقییەکان بە لێکگەیشتنێکی ھاوبەش و دەرچوون لە چەقبەستوویی سیاسی و پێکھێنانی حکومەتی داھاتووی عێراق کە رەنگدانەوەی پێکھاتەکانی بێت."

ئاسکراشیکرد، "نێچیرڤان بارزانی دەربارەی پەیوەندییەکان و کێشەکانی ھەولێر و بەغدا، خواستی ھەرێمی کوردستان بۆ چارەسەر‌کردنی یەکجارەکی کێشەکان بە گفتوگۆ و لەسەر بنەمای دەستوور دووپاتکردووەتەوە."

راگەیەندراوەکەی سەرۆکایەتی هەرێم باسی لەوەشکردووە، "کە ھەردوولا دوایین پێشھاتەکانی ناوچەکە بەگشتی، شەڕی دژی تیرۆر و مەترسییە ئەمنییەکانیان تاوتوێ کردووە و لەسەر گرنگی کارکردن و ھەوڵی ھەمەلایەنە و نێودەوڵەتی بۆ پاراستنی ئارامی و سەقامگیری ھاوڕابوون."