هەردوو بەڕێوەبەرایەتی فڕۆکەخانەی نێودەوڵەتی هەولێر و سلێمانی بە ئێن ئاڕ تییان راگەیاند، تا ئەم ساتە هیچ گەشتێکی هەرێم بۆ تورکیا بەگشتی و فڕۆکەخانەی ئەستەنبوڵی نێودەوڵەتی بەتایبەتی بەهۆی خراپی کەشوهەواوە رانەگیراون و بەشێوەیەکی ئاسایی بەردەوامن.
ئەمڕۆ شەممە، ئەحمەد وشیار بەڕێوبەری فرۆکەخانەی نێودەوڵەتی هەولێر بە ئێن ئاڕ تی راگەیاند، تا ئەم ساتە هیچ گەشتێکی نێوان فڕۆکەخانەی نێودەولەتی هەولێر و ئەستەنبوڵ رانەگیراوە.
ئاماژەی بەوەشدا، تا ئێستا گەشتەکان بەردەوامن، بەڵام دیارنیە
لە کاتژمێرەکانی داهاتوو چی دەبێت.
وتیشی، ئەوان گەشتەکانیان
لەگەڵ تورکیا بە زۆری شەوانە و بێ گرفت
بووە.
هەروەها، چاوگێک لە فڕۆكەخانەی نێودەوڵەتی سلێمانیشەوە بە ئێن
ئاڕ تی راگەیاند، تا ئێستا گەشتەكانی
نێوان فڕۆکەخانەی سلێمانی و فڕۆکەخانەی ئەستەنبوڵ بەردەوامە و ئاساییە.
ئەمە لەکاتێکدایە، هێڵی ئاسمانیی عێراق
رایگەیاند، دەسەڵاتی فڕۆکەوانی تورکیا پێی راگەیاندوون کە لە ئەمڕۆوە بەهۆی ناجێگیری
کەشوهەواوە سەرجەم گەشتەکانیان بۆ فڕۆکەخانەی ئەستەنبوڵ راگیراون.
لەلایەن خۆشیانەوە، هێڵی
ئاسمانی عێراق راگەیەنراوێکی بڵاوکردەوە و تێیدا گەشتیارانی ئاگادارکردەوە، راگرتنی گەشتەکان
تەنها بۆ ئەمڕۆیە و دوای ئاسایی بوونەوەی دۆخی کەشوهەوا، دەستپێدەکەنەوە.
شەپۆلێکی چڕی بەفربارین رووی
لە تورکیا کردووە و بەهۆیەوە دۆخی کەشوهەوا ناجێگیرە و ئاستەنگی هاتوچۆ لە چەند
شارێکی ئەو وڵاتەدا دروست کردووە.
هێرش قادر – هەولێر
گۆران لوقمان - سلێمانی