PM:12:55:29/03/2026
888 جار خوێندراوەتەوە
کەشناسی هەرێم رایگەیاند، ئەمڕۆ بارانبارین بەردەوامدەبێت و لە پاشنیوەڕۆی ئەمڕۆوە شەپۆلێکی تری بارانبارینروو لە ناوچەکانی هەرێم دەکات و پلەکانی گەرماش دادەبەزن ئاماژەی بەوەشکرد، سبەینێ پێشبینیی باران بارینی مامناوەند و تەرزە دەکرێت.
ئەمڕۆ یەکشەممە ٢٩ـی ئازاری ٢٠٢٦، بەڕێوەبەرایەتی گشتیی کەشناسیی و بوومەلەرزەزانی بڵاویکردەوە، ئەمڕۆ لە دوای نیوەڕۆوە باران بە شێوەی نمە باران و هەندێک کات بارانی مامناوەند دەبێتو لە شەودا ئەگەری دابەزینی پلەکانی گەرما زیاتر دەبێت و کاریگەری نزمە پاڵەپەستۆی دەریای سپی ناوەڕاست درێژ دەبێتەوە بۆ سەر ناوچەکە و لە شەودا ئەگەری هەیە زیاتر پلەکانی گەرما داببەزن.
کەشناسی لەبارەی کەشوهەوای سبەینێ ئاماژەی بەوەکرد،باران بارین لە
ناوچە جیاجیاکانی هەرێم بەردەوامدەبێت و دابارین زۆربەی کات بە شێوەی بارانی پچڕ
پچڕ دەبێت و ئەگەری هەورە برووسکەش هەیە. وتیشی، پلەکانی گەرما نزمدەبنەوە و
ئەگەری بەفربارین لە ناوچە سنورییەکان هەیە.
باسی لەوەشکرد، پارێزگاکانی سلێمانی، هەولێر، هەڵەبجە، کەرکوک،
ناوچە دەشتایەکانی پارێزگای هەولێر، دەشتی شارەزوور، ئیدارەی گەرمیان و دوکان دابارین
زۆربەی کات بە شێوەی نمە بارانی پچڕ پچڕ دەبێت و ئەگەری هەورە برووسکەش، ئەگەری
هەیە لە ناوچە سنووریەکان لە کاتەکانی بەیانی زوو بەفر ببارێت.
بەرزترین پلەی گەرمای پێشبینیکراو:
سلێمانی: ١٣ پلەی سیلیزی
هەولێر: ١٥ پلەی سیلیزی
پیرمام: ١٢ پلەی سیلیزی
سۆران: ١٢ پلەی سیلیزی
حاجی ئۆمەران: ٧ پلەی سیلیزی
چەمچەماڵ: ١٤ پلەی سیلیزی
دهۆک: ١٤ پلەی سیلیزی
زاخۆ: ١٥ پلەی سیلیزی
هەڵەبجە: ١٦ پلەی سیلیزی
گەرمیان: ١٨ پلەی سیلیزی
