PM:02:34:27/03/2026
628 جار خوێندراوەتەوە
کەشناسیی هەرێم رایگەیاند، بارانبارین لە زۆربەی ناوچەکان بەردەوام دەبێت و هەندێک کات لە سنووری پارێزگای سلێمانی و ئیدارەی گەرمیان باران بە شێوەی لێزمە باران دەبێت، پلەکانی گەرما یەک تا سێ پلە نزمتر دەبنەوە.
ئەمڕۆ هەینی ٢٧ـی ئازاری ٢٠٢٦، بەڕێوەبەرایەتی گشتیی کەشناسیی و بوومەلەرزەزانی هەرێم بڵاویکردەوە، لە بەفرێکی کەم لە ناوچە شاخاوییە سنوریەکانی باکوور و باکووری رۆژهەڵاتی هەرێم دەبارێت و بارانبارین لە زۆربەی ناوچەکان بەردەوام دەبێت و هەندێک کات لە سنووری پارێزگای سلێمانی و ئیدارەی گەرمیان باران بە شێوەی لێزمە باران دەبێت.
لەبارەی کەشوهەوای
سبەینێش ئاماژەی بەوەکرد، نمە باران و بارانی مامناوەند بە پچڕپچڕی دەبارێت بە تایبەت
لە ناوچەکانی باکوور و باکووری رۆژهەلات پێشبینی دەکرێت رێژەی دابارین زیاتر بێت بەراورد
بە ناوچەکانی تر هەروەها، پلەکانی گەرما هاوشێوەی ئەمڕۆ دەبن.
بەرزترین پلەی گەرمای پێشبینیکراو:
هەولێر: ١١ پلەی سیلیزی
سلێمانی: ٩ پلەی سیلیزی
پیرمام: ٨ پلەی سیلیزی
سۆران: ١٠ پلەی سیلیزی
حاجی ئۆمەران: ٣ پلەی سیلیزی
چەمچەماڵ: ١٠ پلەی سیلیزی
دهۆک: ١٢ پلەی سیلیزی
زاخۆ: ١٢ پلەی سیلیزی
هەڵەبجە : ١٢ پلەی سیلیزی
گەرمیان : ١٥ پلەی سیلیزی
