PM:12:37:26/03/2026
852 جار خوێندراوەتەوە
کەشناسی رایگەیاند، ئەمڕۆ ئاسمان بە گشتی هەوری باراناوی دەبێت، نمە باران و بارانی مامناوەند کە هەندێک جار تەزرە و هەورەبرووسکەی لەگەڵ دەبێت سەرجەم ناوچەکانی هەرێم دەگرێتەوە و بەفرێکی کەم لە هەندێک لە ناوچە شاخاوییە سنوورییەکان دەبارێت.
ئەمڕۆ پێنجشەممە ٢٦ـی ئازاری ٢٠٢٦، بەڕێوەبەرایەتی گشتیی کەشناسیی و بوومەلەرزەزانی بڵاویکردەوە، ئەمشەو لە سنووری پارێزگای سلێمانی و گەرمیان رێژەی بارانبارین زیاتر دەبێت و پێشبینی بەرزبوونەوەی ئاستی ئاو لەو ناوچانە دەکرێت، هەروەها بەفرێکی کەم لە ناوچە شاخاوییە سنوریەکانی باکوور و باکووری رۆژهەڵاتی هەرێم دەبارێت و پلەکانی گەرما نزیک دەبێتەوە لە تۆمارکراوەکانی دوێنێ.
لەبارەی کەشوهەوای سبەینێ ئاماژەی
بەوەکرد، ئاسمان هەوری تەواو دەبێت، نمە باران و بارانی مامناوەند لە زۆربەی
ناوچەکان دەبارێت، لە کاتەکانی ئێوارەدا ئەگەری دابارین لە زۆربەی ناوچەکان لاواز
دەبێت جگە لە پارێزگای سلێمانی و ئیدارەی گەرمیان بارانبارین بەردەوامی دەبێت،
پلەکانی گەرما یەک بۆ سێ پلە نزمتر دەبێت بەراورد بە تۆمارکراوەکانی ئەمڕۆ .
بەرزترین
پلەکانی گەرمای پێشبینیکراو:
هەولێر: ١٣
پلەی سیلیزی
پیرمام: ١١
پلەی سیلیزی
سۆران: ١٢ پلەی
سیلیزی
حاجی ئۆمەران: ٧
پلەی سیلیزی
سلێمانی: ١٣
پلەی سیلیزی
چەمچەماڵ: ١٣
پلەی سیلیزی
دهۆک: ١٣ پلەی
سیلیزی
زاخۆ: ١٣ پلەی
سیلیزی
هەڵەبجە : ١٥
پلەی سیلیزی
گەرمیان : ١٦
پلەی سیلیزی
