ئاژانسی نێودەوڵەتیی وزەی ئەتۆمیش دوای لێکۆڵینەوە لە رووداوەکە وتی، هیچ دزەکردنێک لە تیشکی ئەتۆمیی بنکە ئەتۆمییەکەتۆمارنەکراوە و سوپای ئیسرائیلیش وتی،هیچ زانیارییەکیان لەسەر هێرشەکەی سەر پێگەی ئەتۆمی نەتەنز نییە.

سوپای ئیسرائیلیش لەسەر هێرشەکانی بۆ سەر پێگە سەربازیەکانی ئێران بەردەوامە و وتی،چەند شوێنێکی سەربازییان لە ناوخۆی ئێران کردووەتە ئامانج و میدیاکانی ئێرانیش وتیان، تاران و ئەسفەهان و چەندشارێکی دیکەی ئێران بۆردوومانکراون و دەشڵێن،ئیسماعیل عەزیمی یاریدەدەری فەرماندەی هێزی بەسیج لە هێرشەکاندا کوژراوە و ئاماژەیان بەوەشکرد، تاوەکو ئێستا١٥ فەرماندەی بەسیج لە هێرشە ئاسمانییەکانی ئەمریکا و ئیسرائیلدا کوژراون.

هەرچی سوپای پاسدارانیشە دەڵێن، بەرەبەیانی ئەمڕۆ سێیەم فڕۆکەی جەنگیی ئیسرائیلی لە جۆریئێف-١٦ـیانلە ئاسمانی ئێران خستووەتە خوارەوە و دەشڵێن، لە ماوەی سێ هەفتەی یەکەمی شەڕدا زیاتر لە ٢٠٠ ئامانجی فڕۆکە، مووشەکی کروز، درۆن و فڕۆکەی سووتەمەنی ئەمریکا و ئیسرائیل تێکشکێنراون.

فەرماندەیی ناوەندی ئەمریکاش دەڵێت، توانا سەربازییەکانی ئێران لەرووی موشەک و درۆنەوە زۆر کەمیانکردووە و هەڕەشەکان لە گەرووی هورمز کەم بووەتەوە.