PM:04:37:19/03/2026
756 جار خوێندراوەتەوە
وەزیری جەنگی ئەمریکا لە کۆنگرەیەکی رۆژنامەوانیدا رایگەیاند، بەردەوامن لەسەر تێکشکاندنی سەکۆی موشەکی و هێزی دەریایی ئێران و بەمزوانەش هێرشەکان زیاتردەکەن.
ئەمڕۆ پێنجشەممە ١٩ـی ئازاری ٢٠٢٦، پیت هێگسێس، وەزیری جەنگی ئەمریکا لە کۆنگرەیەکی رۆژنامەوانیدا وتی، تائێستا ئێران ٪٩٠ـی هێزەکەی لە دەستداوە و ١٢٠ كەشتیی جەنگی ئەو وڵاتەشیان لەناوبردووە.
ئاماژەی
بەوەشکرد، سوپای ئەمریکا بەردەوام دەبێت لە تێکشکاندنی سەکۆی موشەکی و هێزی دەریایی
ئێران و بەمزوانەش هێرشەکان زیاتر دەکەن و پێویستیشە هەموو جیهان سوپاسی سەرۆك ترەمپ
بكات.
لە بەشێکی دیکەی
قسەکانیدا وەزیری جەنگی ئەمریکا وتی، "پێویستە جیهان و رۆژهەڵاتی ناوەڕاست و
هاوپەیمانە هاوکارنەبووەکانمان لە ئەوروپا سوپاسی دۆناڵد ترەمپ بکەن، ئێمە بەپێی مەرجەکان
و ئامانجەکانی خۆمان سەرکەوتن بەدەست دەهێنین".
لە کۆتاییدا پیت
هێگسێت ئەوەی خستە روو، ئامانجیان تێکشکاندنی سەکۆ مووشەکییەکان و بنکە پیشەسازییەکانی
ئێرانە بۆ ئەوەی رێگری لەو وڵاتە بکەن ببێتە خاوەنی چەکی ئەتۆمی.
هاوکات سوپا
سالاری ئەمریکاش رایگەیاند، ئەمریکا بەردەوام دەبێت لە بەئامانجگرتنی گروپە چەكدارەكانی
لایەنگرانی ئێران لە عیراق.
