PM:10:22:07/12/2025
368 جار خوێندراوەتەوە
وانەبێژانی لادراو نیگەرانن و داوا دەکەن بکرێن بە گرێبەست، وەک خۆیان دەڵێن، چەندین جار گردبوونەوەیان ئەنجامداوە و بەڵێنیان پێدراوە بکرێین بە گرێبەست بەڵام جێبەجێنەکراوە.
شاباز ناسڕ لە ساڵی ٢٠٢٠ــەوە لە وانەبێژی لابراوە، لەبری ئەوەی لەناو هۆڵەکانی قوتابخانە بێت و وانە بە قوتابیان بڵێتەوە، ئێستا لە كەرتی تایبەت بە ناچاری كار دەكات کە دوورە لە پیشەکەی خۆیەوە، ئێستا خەون و داواکارییان ئەوەیە بگەڕێنەوە نێو هۆڵەکانی خوێندن و وانە بڵێنەوە.
ژمارەی
وانەبێژانی لادراوە ژمارەیان نزیکەی هەزار و ٥٠٠ وانەبێژە،هەر یەکەیان لە
بەروار و ساڵی جیاواز دەستبەکاربوونە ولادراون،ئەگەر چی چەندین جار بۆ
گێڕانەوەی مافەكانیان گردبوونەوە و ناڕەزایەتیان ئەنجام دا و بەڵێنی زۆریان پێ درا
بەڵام هەموو بەڵێنەكان زارەكی بوون و كرداری نەبوون.
رۆژى ٢٥ـی ئابى
٢٠٢٤، حکومەتى ماوەبەسەرچووی هەرێم بڕیاریدا، مامۆستایانى وانەبێژ بکات بە گرێبەست
کە ژمارەیان نزیکەى ٣٨ هەزار کەسن، مامۆستایانی وانەبێژی لابراویش داوا دەكەن
ئەمانیش بكەن بە گرێبەست و بیانگەڕێننەوە سەر كارەكانیان.
هۆگر هەڵگورد - سلێمانی
