PM:09:02:28/10/2024
1312 جار خوێندراوەتەوە
لەگەڵ هاتنی وەرزی سارد و سەرما، نرخی نەوتەکەی بازاڕ بەرزبووەوە، هاوڵاتیانیش نە توانای ئەوەیان هەیە نەوتی بازاڕ بکڕن، نە ئامادەشن بەو نرخە بەرمیلە بەتاڵەکانیان بۆ نەوتەکەی حکومەتی کاربەڕێکەر ڕیز بکەن کە بە ١٠٤ هەزار دینار بە هاوڵاتیانی دەفرۆشێت.
لەئێستادا بەهۆی نزمبوونەوەی پلەکانی گەرماوە خواستی کڕینی نەوت لەلایەن هاوڵاتیانەوە زیادی کردووە و ئەمەش بووەتە هۆی بەرزبوونەوەی نرخەکەی بۆ ١٦٠ هەزار دینار.
هاوڵاتیان باس لەوە دەکەن، چاوەڕوانی هاوکاری بوون لە حکومەتی کاربەڕێکەر کە
نەوتیان بە نرخی پاڵپشتیکراو بۆ دابینبکەن، بەڵام لە بری ئەوەی بە نرخێکی بەرز پێیان
دەفرۆشێت.
حکومەتی کاربەڕێکەر لەئێستادا نزیکەی ١٨٠ لیتر نەوت بە هاوڵاتیان دەفرۆشێت
بە ١٠٤هەزار دینار لەکاتێکدا حکومەتی عێراقی ئەو بڕە نەوتە بە ٣٠هەزار دینار دەدات
بە هاوڵاتیانی خۆی.
هاوڵاتیانی هەرێمیش رەتی دەکەنەوە نەوتەکەی حکومەتی کاربەڕیکەر بکڕن و ئاماژە بەوە دەکەن، سەرەڕای ئەوەی مووچە دابەش ناکرێت نەوتیشیان بە نرخی گران پێدەفرۆشرێت و حکومەتی کاربەڕێکەر بێباکە لە دۆخی خراپی هاوڵاتیان.
