بەڕێوبەری هاتوچۆی هەرێم بە ئێن ئاڕ تی راگەیاند، "من ئاگاداری تابلۆی نوێی ئۆتۆمبێل نیم و زانیاری لای هاتوچۆی هەولێرە، من هیچی لێ ئاگادار نیم".
ئەمڕۆ سێشەممە، لەبەداواداچونێکی ئێن ئاڕ تی لەبارەی پرسی تابلۆی نوێی ئۆتۆمبێلەوە پەیوەندی بە عەبدولقادر عزیز بەڕێوبەری هاتوچۆی هەرێمەوە کرد و ئاماژەی بەوەکرد، "من هیچی لێ ئاگادار نیم".
ئەوەشی خستەڕوو،
من ئاگاداری تابلۆی نوێی ئۆتۆمبێل نیم و زانیاری لای هاتوچۆی هەولێرە، چۆنە و چۆن
دروست دەکرێت و چۆن بڕیاریشی لەسەر دراوە.
وتیشی، ئەوان
وەک بەڕێوەبەرایەتی گشتی هەرێم هیچ زانیارییەکیان لەسەر کۆی پرۆسەی گۆڕینی تابلۆی
ئۆتۆمبێلەکان بۆ تابلۆی نوێ نییە.
دەشڵێت، ئەوەی
بڵاوکراوەتەوە تەنها لای هاتوچۆی هەولێرەوە بووە و زانیارییەکان لای ئەوانە.
ئەمە لەکاتێکدایە،
دوای رێککەوتنی نێوان بەڕێوەبەرایەتی گشتی هاتوچۆی هەرێم و بەڕێوەبەرایەتی گشتی هاتوچۆی
عێراق لەبارەی تابلۆی نوێی ئۆتۆمبێلەوە، دوێنێ رێکەوتی ٢٥ی ٤ی ٢٠٢٢ یەکەم تابلۆ بە
سیستمی نوێ لە هاتوچۆی هەولێر چاپکرا و دەستکرا بە پێدانی تابلۆ بە شوفێران.
ئەمڕۆش فازڵ
حاجی وتەبێژی هاتوچۆی هەولێر لەبارەی تێچووی گۆڕینی تابلۆی ئۆتۆمبێلەکانەوە ئاشکرای
کرد، هەرکەسێک ساڵانەی ئۆتۆمبێلەکەی بەسەر چوبێت و نوێی بکاتەوە، تابلۆی نوێی ئۆتۆمبێلی
پێدەدرێت و بڕی ٦٠ هەزار دیناریشی لێوەردەگیرێت، هەرکەسێکیش بەخواستی خۆی پێش بەسەرچوونی
ساڵانەکەی تابلۆکە بگۆڕێت بڕی ١٢٠ هەزار دیناری لێوەردەگیرێت. وتیشی، "هەرکەسێک
بەرواری لەدایکبوونی و پیتێکی ناوی خۆی لەسەر تابلۆی ئۆتۆمبێلەکەی بنوسێت پێویستی بە
دوو ملیۆن دینارە".
هێرش قادر - هەولێر