PM:01:12:03/04/2026
27020 جار خوێندراوەتەوە
لیژنەی سووتەمەنی قائیمقامیەتی هەڵەبجە رایگەیاند، سبەینێ شەممە، دابەشکردنی غاز بەردەوام دەبێت و هەر هاوڵاتییەک بە فۆڕمی خۆراک بتڵێک غازی پێدەدرێت.
ئەمڕۆ هەینی ٣ـی نیسانی ٢٠٢٦، بەپێی ئاگادارییەکی لیژنەی سووتەمەنی قائیمقامیەتی هەڵەبجە کە تیایدا هاتووە، ئاگاداری هاوڵاتیانی پارێزگای هەڵەبجە دەکەنەوە سبەینێ شەممە، کاتژمێر هەشتی سەرلەبەیانی غاز دابەش دەکرێت و دابەشکردنەکە لە رێگەی بریکاری غازەکانەوە دەبێت بەپێی ناوی بریکاری خۆراک و بەپێی ئەوناوانە هەرماڵێک یەک بتڵ غازی پێ دەدرێت.
ئاماژە
بەوەشکراوە، پێویستە ئەوکەسەی غازەکە وەردەگرێت فۆڕمی خۆراک و کارتی نیشتیمانی پێبێت
بۆ ئەوەی بێبەش نەبێت، بۆیە داوا لە هاوڵاتییان دەکەین بە هیچ شێوەیەک سەردانی
کارگەکان نەکەن، چونکە لەوێ بتڵەغاز بە هیچ کەسێک نادرێت.
