لیستا مووچەیێ مووچەخۆران دێ بۆ بەغدا هێتە هنارتن

AM:10:12:15/04/2024

2268 جار خوێندراوەتەوە

+ -

ژێدەرەکی ژ وەزارەتا داراییا هەرێمێ بۆ ئێن ئاڕ تی ڕاگەهاند، رۆژا سێشەمبیا ڤێ حەفتیێ بەرهەڤیێن لیستا مووچەی دێ تەمام بن و بەری 18ـێ مەهێ دێ بۆ بەغدا هێتە هنارتن.

ژێدەرەکی ژ وەزارەتا داراییا حکومەتا رێڤەبرنا کارێن هەرێمێ بۆ ئێن ئاڕ تی ڕاگەهاند، رۆژا سێشەمبیا ڤێ حەفتیێ بەرهەڤیێن لیستا مووچەیێ مەها چار یێ مووچەخۆران دێ تەمام بن.

ئاماژە ب وێ یەکێ ژی کر، وەزارەتا دارایی بەری 18ـێ مەهێ لیستا مووچەیێ مووچەخۆران یێ مەها چار دێ رەوانەی بەغدا کەت.

ئەندامەکێ لژنەیا دارایی ل پەرلەمانێ عێراقێ ژی ڕاگەهاند، بڕیارە لسەر کەیسا مووچەیێ مووچەخۆرێن هەرێمێ لژنەیا داراییا پەرلەمانێ عێراقێ ئەڤرۆ دووشەمبی بجڤیت.

گوتژی، "دابەشکرنا مووچەیێ مووچەخۆران ل 25ـێ هەمی مەهان دێ بیتە 18ـێ هەمی مەهان".

ئاماژەی ب وێ یەکێ ژی کر، ئاریشەیا مووچەی دناڤبەرا بەغدا و هەرێمێ دا ب رێکا رێکار و میکانزمێن بودجەیێ عێراقێ هاتیە چارەسەرکرن، لێ پێدڤیە بهێتە بنەجهـ کرن و بۆ وێ مەرەمێ ژی لژنەیا داراییا پەرلەمانێ عێراقێ ئەڤرۆ دووشەمبی دێ جڤیت و بڕیارێ لسەر میکانزمەکا پێشنیاز کری ددەت.

ئەڤە د دەمەکی دایە، عەتوان عەتوانی سەرۆکێ لژنەیا داراییا پەرلەمانێ عێراقێ بۆ دیجیتال میدیایا ئێن ئاڕ تی ڕاگەهاند، ب گۆهڕینا سیستەمێ مووچەیێ مووچەخۆران ژ کاشی بۆ ئەلکترۆنی هەمی ئاریشە دێ چارەسەر بن، گوت ژئ، "ب چ ئاوایەکی مووچەیێ مووچەخۆرێن هەرێمێ جارەکا دی ناکەڤیتە مەترسیێ".