د نها دا هەر ئونسەیەکا وی کانزایێ زەر ب سێ هزار و ٣١١ دۆلاران بازار پێڤە دهێتەکرن، هەڤبەر ب رۆژا دەربازبووی ١٥ دۆلار ژ بهایێ وی کانزایێ زەر هاتینە خار.

وەزیرێ خاندنا بلند پێشوازی ل سەرۆکێ جڤاتا راژەیا هەرێمێ و شاندەکێ دگەل دا کر. وەزارەتا خاندنا بلند ژی دبێژیت، ئێک ژ وان پرسێن گۆتووبێژ لسەر کری دامەزراندنا سێ ئێکەمێن زانکۆ و پەیمانگەهان بوو.

وەزارەتا داراییا هەرێمێ راگەهاندنەک بالاڤکریە و تێدا هاتییە، ل هندەک میدیا و پەیجان وەسا هاتییە بەلاڤکرن کو وەزارەتا داراییا عێراقێ چەند تێبینییەک لسەر لیستا مووچەیێ هەیڤا نیسانێ هەبوویە، لێ چ ڕاستی بۆ وێ نووچەیێ نینە.

جێگرێ سەرۆکێ حکومەتا رێڤەبرنا کارێن هەرێمێ راگەهاند، قوناغەکا نوی یا گۆتووبێژان دگەل پارتی دەستپێکریە و دێ بەردەوام بن تا وی دەمێ دگەهنە رێککەفتنێ.

کۆمیتەیا ئێکێ ئەیارێ راگەهاند، ل چار هەیڤێن دەستپێکا ئەڤسالە ١٢ کرێکاران ل دەمێ کارکرنێ ژیانا خۆ ژ دەستداینە. دبێژیت ژی، ژبەر نەبوونا مەرجێن سلامەتیێ ژیانا کریكاران یا پاراستی نینە.

بەرپرسەکێ حکومەتا عێراقێ بۆ ئێن ئاڕ تی راگەهاند، سودانی رەزامەندی لسەر خەرجکرنا مووچەیێ هەیڤا نیسانێ یێ مووچەخۆرێن هەرێمێ دا.

فەرمانگەها میدیا و زانیاریێن حکومەتا ڕێڤەبرنا کاران راگەهاند، ب هەلکەفتا جەژنا کرێکاران، رۆژا پێنج شەمبی بێهنڤەدانا فەرمی یە ل کەرتێن گشتی و تایبەت.

بهایێ دۆلاری د بازارێن هەرێما کوردستانێ دا ١٠٠ دۆلار ب ١٤٤ هزار و ٨٠٠ دیناران بازار پێڤە دهێتە کرن.

جڤاتا ئاسایشا هەرێمێ دەربارێ وان هێرشێن درۆنیێن سەر پێشمەرگەی ل سنورێ ئامێدیێ دبێژیت، بۆ تێکدانا پرۆسەیا ئاشتیێ و سەقامگیریێ یە ل دەڤەرێ.

ئەمیندارێ گشتیێ جڤاتا وەزیرێن عێراقێ ب هەلکەفتا رۆژا جیهانیا کرێکاران رۆژا پێنجشەمبی رێکەفتی ١ـی ئایارێ بێهنڤەدانا فەرمی دبیت ل هەمی سازیێن عێراقێ و هەرێمێ.

بریارە ئەڤرۆ جڤاتا وەزیران کۆمبیت و بریارێ ل سەر هنارتنا پارەیێ هەرێمێ بدەت، سەروکێ نوینەرێن هەرێمێ بۆ ئێن ئاڕ تی راگەهاند، ل ڤان نێزیکان بەغدا دێ مووچەیێ هەیفا چار هێریت.

پشتی کو ل پەرلەمانێ عێراقێ دەنگ لسەر ب پارێزگەهبوونا هەلەبجە هاتیە دان، سەرۆک کۆمارێ عێراقێ ئیمزا لسەر وێ یاسایێ کر و بڤێ ژی هەلەبجە ب فەرمی بوو پارێزگەها ١٩ـێ یا عێراقێ.

نووچەگەهانێ ئێن ئاڕ تی راگەهاند، ل گوندێ بلاڤە ل سنورێ ئامێدیێ درۆنەک ب خالەکا پێشمەرگەی ڤە تەقی و دوو پێشمەرگە بریندار بوون.

پشتی تەمامکرنا هویربینیا لیستا مووچەیێ هەیڤا چار، بڕیارە ئەڤرۆ ئەو لیستە رەوانەی جڤاتا وەزیرێن عێراقێ بهێتە کرن بۆ پەسەندکرنێ و بڕیاردان ژ خەرجکرنا وی پارەی.

رێنمایا ژمارە (٣ یا سالا ٢٠٢٥) یا تۆمارکرنا تەکسیێن نوی، دکەڤیتە بیاڤێ جێبەجێکرنێ و وەزارەتا ناڤخۆ ژی دبێژیت، بتنێ ئەو ترۆمبێلێن سێ سالێن مۆدێلێن دوماهیێ هاتینە پەسەندکرن دێ هێنە گوهۆرین بۆ تەکسی.

جڤاتا وەزیرێن عێراقێ راگەهاند، رۆژا پێنجشەمبییا ڤێ حەفتیێ ب هەلکەفتا جەژنا کرێکاران بێهنڤەدانا فەرمی یە. هەڤدەم، لدیف رۆژژمێرییا حکومەتا رێڤەبرنا کاران هەمان رۆژ بێهنڤەدانا فەرمی یە ل هەمی سازیێن حکومەتێ.

رێڤەبەرێ ساخلەمیا ئامێدیێ راگەهاند ب سەدەمێ هێرشەکا بالەفڕێن بێ بالەفڕڤان بۆ سەر خالەکا پێشمەرگەی ل گوندێ بلاڤە ل سنورێ ئامێدیێ، سێ پێشمەرگە بریندار بوون.

پەرلەمانتارەکێ نەوەی نوێ ل پەرلەمانێ کوردستانێ دبێژیت، بڕیارا وەزارەتا ناڤخۆیا هەرێمێ بۆ رێک پێدان ب ڕەش کرنا جامێن ترۆمبێلان شەرمە، دبێژیت ژی، هەر بڕیارەکا بهێتە دان و د خزمەتا خەلکی دا نەبیت ئەو دگەل نینن.

سەروکێ ئەمریکا دبێژیت، کومبوونێن دگەل ئیرانێ درەوشەکا باش دانە، گوت ژی،"نێزیکن بۆ گەهشتنا رێکەفتنا ئەتۆمی دگەل ئیرانێ".

بەرپرسەکێ وەزارەتا داراییا عێراقێ بۆ ئێن ئاڕ تی راگەهاند، هویربینی د لیستا مووچەی دا ل بەغدا تەمام بوو و سوبەهی ئەو لیستە دێ هێتە رەوانکرن بۆ جڤاتا وەزیرێن عێراقێ.

بهایێ دۆلاری د بازارێن هەرێما کوردستانێ دا ١٠٠ دۆلار ب ١٤٥ هزار دیناران بازار پێڤە دهێتە کرن.

بڕیارە ئەڤرۆ پارتی و یەکێتی دەربارێ دابەشکرنا پۆستان ل هاڤینگەها دوکان کۆمبن.

سەقاناسیا هەرێمێ راگەهاند، ئەڤرۆ سەقا دێ ب ئاوایەکێ گشتی نیڤ عەور بۆ عەورێن تەمام بیت، دگەل ئەگەرێ بارانبارینەکا کێم ل هندەک دەڤەران.

د نها دا هەر ئونسەیەکا وی کانزایێ زەر ب سێ هزار و ٢٩٧ دۆلاران بازار پێڤە دهێتەکرن، هەڤبەر ب رۆژا دەربازبووی ٢٢ دۆلار ژ بهایێ وی کانزایێ زەر هاتینە خار.

وەزیرێ ڕەوشەنبیریا عێراقێ، بانگهێشتنامەیا فەرمی پێشکێشێ سەرۆکێ قوناغا ڤەگوهێزار یێ سوریا کر، بۆ پشکداریکرن د کۆنگرەیا گۆپیتکا عەرەبی دا کو بڕیارە ل ١٧ێ هەیڤا داهاتی ل بەغدا ب ڕێڤەبچیت.

دەمژمێر ٧:٣٠ ئێڤارییا ئەڤڕۆ شەمبی، ژنەکا تەمەن ٤٣ سالی ب شاشێ دکەڤیتە ناڤبەرا دوو ترۆمبێلان دا، ب وی ئەگەری ژیانا خۆ ژ دەستدا.

سپێدەهیا ئەڤڕۆ ل ویلایەتا تێکساس ل ئەمریکا تەقە ل سێ گەنجێن زاخۆ هاتە کرن، د ئەنجام دا دوو ژ وان ژیانا خۆ ژ دەستدان و ئێکێ دی بریندار بوویە.

وەزیرێ کارەبا هەرێمێ راگەهاند، د نوکە دا بەرهەمئینانا کارەبێ بلندترە ژ هەشت هزار و ١٨٩ مێگاواتان و دبێژیت ژی، سالا ٢٠٢٦ــێ دێ پرۆژەیێ روناهیێ گەهینە قەزایا و ناحیان.

کونسولێ ئەمریکا ل هەرێما کوردستانێ سەرەدانا سەرۆکێ ڤەلڤینا نەوەی نوێ کر و گۆتووبێژ دەربارێ ڕەوشا سیاسیا هەرێمێ و هەلبژارتنا پەرلەمانێ عێراقێ کرن.

رێڤەبەرێ ناحیا دەرکارێ بۆ ئێن ئاڕ تی راگەهاند، ل دەشتەتەخێ ل سنورێ ناحیا دەرکارێ، ترۆمبێلەکا زێرەڤانێن سنوری وەرگەڕیا و کەسەکی ژیانا خۆ ژدەستدا و سێ کەس ژی بریندار بوون.