ژبەر خارنا خارنێ ل خارنگەهەکا دهۆکێ نێزیکی 50 کەسان ژەهراوی بوونە.

ژبەر سکالایا عەرەبێن هاوردە، دادگەها دوبز سزایێ زیندانیکرنێ بۆ دوو جۆتیارێن کورد کو خەلکێ ناحیا سەرگەرانن هاتە دەرێخستن.

بڕیاردەرێ لیژنەیا پەتڕۆل و غازێ ل پەرلەمانێ عێراقێ دبێژیت، هەمی رێکار بۆ هنارتنا پەتڕۆلێ ب دوماهی هاتنە، بتنێ رێککەفتنا هەرێمێ و کۆمپانیێن بیانی مایە، گوت ژی، بڕیارە سێشەمبیێ بڕیار لسەر مووچەیێ هەرێمێ بهێتەدان.

مەکتەب سیاسیا پارتی راگەهاندنەک دەربارەی بوویەرا سلێمانیی بەلاڤکر و دبێژیت، پێتڤیە چارەسەرێن جودا بۆ ئاریشەیان ب رێکا دیالۆگ و لێکتێگەهشتن بهێنە چارەسەرکرن، دبێژیت ژی، هەر هێرشەکا میدیایی خزمەتا هەرێمێ ناکەت و پێتڤیە بهێنە راگرتن.

سەرۆکی جڤاتا بلندا بەرژەوەندیێن یەکێتی دەربارەی ئەنفالا بەهدینان دبێژیت، هیڤیدارین گڤاشتن بێخنە سەر جڤاکێن نێڤدەولەتی بۆ ب جینوساید ناساندنا ئەنفالێ و دووبارەنەبوونا ئەنفالەکا دی، دبێژیت ژی، ئەو ئەنفالە درێژکریا تاوانێن بەعسیان بوو دژی کوردان.

پەرلەمانتارێن نەوەی نوێ بۆ ئین ئاڕ تی راگەهاند، رێک ناهێتەدان سەرەدانا سەرۆکێ ڤەلڤینا نەوەی نوێ بکەن د زیندانی دا.

ل سەر رێکا دهۆک – موسل د بوویەرەکا ترافیکی دا دناڤبەرا بارهەلگرەکی و ترۆمبێلەکێ سێ کەسان ژیانا خۆ ژ دەستدان.

دەربارەی مووچە و ئاریشەیێن هەرێمێ و بەغدا نێچیرڤان بارزانی دبێژیت، د هەیامەکا نێزیک دا ئاریشەیا مووچەی دێ هێتە چارەسەرکرن و دانوستاندن د بەردەوامن. دبێژیت ژی، هنارتنا پەترۆلا هەرێمێ ب زویترین دەم دێ دەستپێکەتەڤە.

ئەو ژڤان تەمام بوو کو دڤیا داوی رۆژێن گرتنا سەرۆکێ ڤەلڤینا نەوەی نوێ بن، لێ دەستەسەرکرنا وی هاتە درێژکرن بۆ بۆ رۆژ چارشەمبی و بریارە رۆژا پێنجشەمبی بۆ جارا دوویێ بچیتە هەمبەر دادگەهێ.

کۆمسیۆنا بلندا هەلبژارتنێن عێراقێ دبێژیت، د داویا ڤێ هەیڤێ دا تاقیکرن بۆ ئامیرێن دەنگدانێ دێ هێتە ئەنجامدان، دبێژیت ژی، تا نها ٦٢٧ بەربژێر ب ئەگەرێن جودا هاتینە دویرئێخستن.

سەقاناسیا هەرێمێ دبێژیت، ئێڤاریا ئەڤرۆ ئەگەرێن تۆزبارینەکا کێم هەیە و سوباهی ل سپێدی هەتا نیڤرۆ تۆز دێ عەسمانێ هەرێمێ ڤەگریت، پلەیێن گەرمێ دێ بەردەوام بن ژ هاتنە خارێ، هەروەسا سەقاناسیا عێراقێ ژی دبێژیت، سوباهێ پێلەکا تۆزبارینێ دێ دەستپێکەت.

حەج و عومرەیا هەرێمێ چەوانیا خۆ تومارکرن و مەرجێن حەجێ د سیستەمێ ئۆنلین دا بەلاڤکر، ئەو کۆمپانیێن لدویف هەلسەنگاندنا ئەڤسال باشتر بوون ژ خزمەتکرنا گەشتیاران، بێ تیروپشک د وەرزێ حەجێ دا سالا داهاتی دێ ناڤێ وان هێتەڤە.

پشتی بلندبوونا بهایێ دۆلاری، ئەڤرۆ بهایێ ١٠٠ دۆلاران هەمبەری ١٤١ هزار و ٧٥٠ دینارایە.

پشتی زێدەتری ٨٠ ژ گیروبوونا مووچەی، سوباهی کۆمبونا جڤاتا وەزیرێن عێراقێ دێ هێتە کرن، ئەگەر هەرێم پێگیریان بجهبینیت، دهێتە چاڤەرێ کرن بریا هنارتنا مووچەی بهێتە دان.

پشتی گۆهرینێن بەرچاڤ د بهایێ زێڕی دا، ئەڤرۆ بهایێ زێڕی ب سێ هزار و ٣٦٥ دۆلاران بازاری پێڤە دهێتە کرن، بهایێ ئێک مسقالا زێڕی عەیار ٢١ ژی ب ٦٧٤ هزار دینارایە.

ئەڤرۆ ٣٧ سال ب سەر ئەنفالا بادینان دەربازبوون کو ژ لایێ رژێما بەعس ڤە هاتبوو ئەنجام دان، تا نها چارەنڤیسێ هزاران کەسان دیار نینە.

کۆمسیۆنا بلندا هەلبژارتنێن عێراقێ دبێژیت، ٤٢ بەربژێرێن دی ژ لیستا هەلبژارتنێن پەرلەمانێ عێراقێ هاتنە دویرئێخستن.

پشتی گۆتۆبێژێن ئاگربەستا شەڕێ روسیا و ئۆکرانیا، ئەڤرۆ بهایێ بەرمیلەکا پەتڕۆلا خاڤا برێنت د بازارێن جیهانێ دا ب ٦٧ دۆلار و ٨١ سەنتان بازار پێ دهێتە کرن بهایێ وێ هەڤبەر ب دوهێ بلندبوویە.

ژنەکا خەلکا رۆژئاڤایا کوردستانێ ژبەر نەخۆشیا تایا خوین بەربوونێ ژیانا خۆ ژدەست دا

ژبەر پرۆژەیێ شوستەێێن بازارێ دهۆکێ رۆژانە بۆ دەمێ چەند دەمژمێرەکان کارەبا بازارێ دهۆکێ دهێتە برین کو ئەڤە جەندین رۆژە بەردەوام.

حکومەتا عێراقێ دبێژیت، شیانێن پالاوتنا پەتڕۆلێ گەهستیە ملیۆنەک و ٣٠٠ هزار بەرمیلان د ئێک رۆژێ دا، بڤێژی وەلات گە‌شتیە رێزا وان وەلاتان کو شیانێن پالاوتنا ئاستەکێ بلند دهێتە دانان.

نووچەگەهانێ ئێن ئاڕ تی راگەهاند، لدویف لێکتێگەهشتنان پێدڤیە دەستپیکێ هەرێم ١٢٠ بۆ ١٣٠ هزار بەرمیلێن پەتڕۆلی رادەستبکەت.

پەرلەمانتارەکێ بەری یێ نەوەی نوێ پەیامەکێ ئارسەتی حکومەتا دەم بسەر ڤەچووی دکەت و دبێژیت، هەتا کەنگی دێ دوماهیکا حەفتیی رێکەفتنێ کەن و دەستپێکا حەفتیێ خۆ ژێ ڤەدزن و بجهنائینن؟ هەتا کەنگی بەرمیلەکا پەترۆلێ ب قاچاغ ب ٣٠ دۆلاران دێ فرۆشن و ل رێکا سۆمۆ ب ٧٠ دۆلاران نافرۆشن؟

ئەڤرۆ دوماهیک دەمێ راگرتنا سەرۆکی ڤەلڤینا نەوەی نوێ بو، لێ گرتنا وی هەتا چارشەمبیی هاتە درێژکرن.

ل سەر چەند کەیسێن گەندەلیێ کو پەرلەمانتارێ نەوەی نوێ ل پەرلەمانێ عێراقێ ل سەر ئاشکرا کربوون، پارێزگارێ بەرێ یێ کەرکوکێ ژ هەلبژارتنا پەرلەمانێ عێراقی هەتە دویرئێخستن

ل دویف رێڤەبەریا خۆراکیا هەولێری، پرۆسەیا نویکرنا پسولەیا خارنێ هەتا سوباهی ب شەڤ دێ یا بەرەوام بیتن، پشتی وی دەمی دێ بیتە ب پارە.

سەقاناسیا هەرێمێ دبێژیت، سوبەهی پلەیێن گەرمێ دێ داکەڤن و ب گشتی دێ ل بن ٤٥ پلەیێن سیلیزی مینن.

ئەو باج و رسوماتێن ل دەرازینکا ئیبراهیم خەلیل دهێنە وەرگرتن دوو جارکی زێدەبووینە و بۆ هاتن و چوونا هەر ترۆمبێلەکێ ژ ١٣ دۆلاران باجا وان زێدەبوویە ژ بۆ ٢٠ دۆلاران.

بەغدا دەمێ مووچەیێ هەیڤا شەش هنارت ب ئاشکرایی گوت هنارتنا مووچەیێ هەیڤێن دی بەندە ب جێبەجێکرنا رێکەفتنا حکومەتا دەم بسەرڤەچووی لی حکومەت خۆ ڤەدزیت ل داخازیێن بەغدا، نووچەگەهانێ ئێن ئاڕ تی ژی گوت، دوو شاندێن حکومەتا دەم بسەرڤەچووی ل بەغدا نە بۆ بریار دان ل سەر مووچەی.

رۆژنامەیا شەرقلئەوسەت بەلاڤکر، کورێن تالەبانی دڤێت کۆنترۆلا سیاسی و ئەولەهی ب سەر پارێزگەها سلێمانیێ بسەپینن لی دهێتە چاڤەرێ کرن کو نەشێن سەرکەفتی بن، چونکی نەوەی نوێ خودان ئالیگرێن زۆرە و ٢٤ کورسیێن پەرلەمانی هەنە.