PM:05:25:19/11/2025
1076 جار خوێندراوەتەوە
+
-
حکومەتا دەم
بسەرڤەچووی ب رێکا رێڤەبەریا گشتی یا خانەنشینان دەست ب بڕینا مووچەیێ خانەنشینان
کر و دبێژیت، ئەو خانەنشین و وارسێن تا نها فۆرما ( هژمارا من ) تژی نەکرین،
مووچەیێ وان یێ هەیڤا نەهـ وهەیڤێن دێ هێتە راگرتن.
ئەڤرۆ
چارشەمبی، رێڤەبەرێ گشتیێ خانەنشینێن سەر ب وەزارەتا دارایی یا حکومەتا دەم بسەرڤەچووی
ڤە هایداریەک بۆ هەمی خانەنشین و وارسان بەلاڤکر ودبێژیت، ئەو خانەنشینێن کو کارتا
وان یا بانکی تەمام نەبوویە وەرنەگرتی نە، پێتڤیە سەرەدانا بانکان بکەن، چونکی
مووچەیێ هەیڤا ١٠، بڕێکا " پڕۆژەیێ هژمارا من " دهێتە خەرجکرن.
ئاماژە ب وێیەکێ
ژیکر، لدویف هایداریێ، ئەو خانەنشین و وارسێن تا نها فۆرما" هژمارا من "
تژی نەکرین ، مووچەیێ وان یێ هەیڤا ئەیلۆلی دێ هێتە راگرتن تا فۆرمەیێ تژی بکەن.
رێڤەبەریێ
ئاماژە ب وێیەکێ ژیکر، نێزیکی ٩٠٪ یا فەرمانبەر و خانەنشینان خۆ د پرۆژەیێ هژمارا
من دا تۆمرکرینە ئەوێن ماین ژی و خۆ تۆمارنەکرین، تا داویا ئەڤسالە ئەگەر هژمارا
بانکی نەبن، دێ مووچەیێ وان ژ بەغدا هێتە راگرتن و ل هەرێمێ ناهێتە دابەشکرن.