PM:05:07:28/04/2024
620 جار خوێندراوەتەوە
+
-
سەرۆکێ هەڤپەیمانیا فەتح ڕاگەهاند، ئاریشەیا مووچەیێ مووچەخۆرێن
هەرێمێ هاتیە چارەسەرکرن، دبێژیت ژی، "لدیف بڕیارێن دادگەها فیدرالی، پێدڤیە
مووچەیێ مووچەخۆرێن هەرێمێ بهێتە ب بانکی کرن".
ئەڤرۆ ئێکشەمبی، هادی عامری سەرۆکێ هەڤپەیمانیا
فەتح د کۆنفرانسەکا رۆژنامەڤانی دا ڕاگەهاند، پرسا مووچەیێ مووچەخۆرێن هەرێمێ ب
بڕیارەکا دادگەها فیدرالی هاتیە چارەسەرکرن و پێدڤیە بهێتە جێبەجێکرن د دەمێ خۆ
دا.
ئاماژە ب وێیەکێ ژیکر، ئەو بڕیارا دادگەها فیدرالی هەڤئاواکرنا
مووچەیێ مووچەخۆرێن هەرێمێ بخۆڤە دگریت، ژبەر ڤێ ژی پێدڤیە هەر دوو حکومەتێن عێراقێ
و هەرێمێ لسەر میکانیزما جێبەجێکرنا پرۆسەیا ب بانکی کرنا مووچەی رێکبکەڤن.
هەڤدەم د وێ دەربارێ دا نوری مالیکی سەرۆکێ هەڤپەیمانیا دەولەتا یاسا
ڕاگەهاند، لدیف دەستووری ئاریشەیا مووچەیێ مووچەخۆرێن هەرێمێ چارەسەر دکەن و
هنارتنا پارەی بۆ مووچەیێ فەرمانبەرێن هەرێمێ ژلایێ حکومەتا عێراقێ مەهانە دێ
بەردەوام بیت.