PM:05:29:29/04/2024
280 جار خوێندراوەتەوە
+
-
وەزیرێ خاندنا بلندا
حکومەتا رێڤەبرنا کارێن هەرێمێ ڕاگەهاند، ئەو لێخۆشبوونا بۆ پارەیێ خاندنا پارالێل
دەرچوویە بتنێ بۆ وی پارەیە کو لدەف خاندەکاران مایە، ئەوێن بەری نوکە کرێیا
خاندنێ دایە پارە بۆ وان ناهێتە ڤەگەراندن.
ئەڤرۆ دووشەمبی، وەزیرێ
خاندنا بلندا حکومەتا رێڤەبرنا کارێن هەرێمێ د کۆنفرانسەکێ رۆژنامەڤانی دا ڕاگەهاند،
لێخۆشبوونا کرێیا خاندنا پارالێل تنێ وی پارەی ڤەدگریت کو لدەف خاندەکاران مایە.
بەحسا وێ یەکێ ژی کر،
ئەو لێخۆشبوونە وان خاندەکاران ناڤەگریت کو بەری نها پارەیێ خاندنا پارالێل داینە
و چ کوژمەکێ پارەی ژی وان ناهێتە ڤەگەراندن.
ئەڤە د دەمەکی دایە،
رۆژا 21ـێ نیسانێ توانا جاف رێڤەبەرێ کارگێری و داراییا وەزارەتا خاندنا بلندا
حکومەتا رێڤەبرنا کاران بۆ ئێن ئاڕ تی ڕاگەهاند، بڕیارا داشکاندنا 40٪ ب دوو
قۆناغان بتنێ بۆ خاندنا ئەڤسالە و ئەو خاندەکاران ڤەدگریت کو تا نها بەشەکا کرێیا
خاندنێ لدەف ماینە، دبێژیت ژی، "ئەو خاندەکاران کڕێیا خاندنێ نەداینە
داشکاندن وان ناڤەگریت و پارە بۆ وان ناهێتە ڤەگەراندن".
رۆژا 27ـێ ئادارا
ئەڤسالە، ئارام محەمەد وەزیر خاندنا بلندا حکومەتا رێڤەبرنا کارێن هەرێمێ بڕیاردا،
کرێیا خاندنا پارالێل و ئێڤاریا یێن دبلوم بەکالۆریۆس و دبلوما بلند و ماستەر و دکتۆرایێ،
20٪ داشکاندن بۆ بهێتەکرن و کۆما داشکاندنێ بۆ ئەڤسالە بگەهینە 85٪.