PM:07:15:29/04/2024
64 جار خوێندراوەتەوە
+
-
ل دەمێ داخستنا
بازارێن دراڤێن هەرێمێ بهایێ 100 دۆلاران ل هەمبەر 145 هزار و 800 دیناران بازار پێ
دهاتە کرن، هەڤبەر ب دەمێ ڤەکرنا بازاران بهایێ وێ 800
دینار بلند بوونە.
ئەڤرۆ دووشەمبی،
ل دەمێ داخستنا بازارێن دراڤێن هەرێمێ بهایێ 100 دۆلاران بلند بوو و ب 145 هزار و 800
دیناران بازار پێ دهاتەکرن.
ئەڤە د دەمەکی
دایە، ل دەمێ ڤەکرنا بازاران بهایێ 100 دۆلاران ب 145 هزار دیناران بوو و د نها دا
بهایێ وێ 800 دیناران بلند بوویە.
ژلایەکێ دیڤە ژی
شێوەرمەندەکێ سودانی بۆ ئێن ئاڕ تی ڕاگەهاند، سەرەدانا سودانی بۆ ئەمریکا سەدەمەکێ
سەرەکیێ داکەفتنا بهایێ دۆلاریە و دهێتە چاڤەرێ کرن ژی بهایێ دۆلاری زێدەتر بهێتە
خار.
پشتی رێککەفتنا بەنکا ناڤەندی دگەل بەنکا جەی پی مۆرگان،
بەنکا ناڤەندی د هەیاما پێنج حەفتیێن دەربازبووی دا ب تێکڕا زێدەتری ئێک ملیار و
٣٥٤ ملیۆن دۆلار فرۆتینە، د دەمەکێدا ل حەفتیا دەربازبووی، ئاستێ فرۆتنا زێدەتر
نەبوویە ژ ملیارەک و ٧٠ ملیۆن دۆلاران.
ئەڤە د دەمەکی دایە، عائد هیلالی، ئەندامێ شاندێ سەرۆک
وەزیرێن عێراقێ ل ئەمریکا بۆ ئێن ئاڕ تی ڕاگەهاند، سەرەدانا سودانی بۆ واشنتۆن
دەستەکەفتەکا زۆر بدەستڤەئینایە ب تایبەتی د بیاڤێ دارایی دا و رێکار بەرەڤ
کۆنترۆلکرنا بهایێ دۆلاری ب تەمامی دچن، چێدبیت د چەند رۆژێن بهێت دا ب ئاوایەکێ
بەرچاڤ و بلەز بهایێ دۆلاری دێ هێتە خار.