PM:09:06:29/04/2024
600 جار خوێندراوەتەوە
+
-
سەرۆکا فراکسیۆنا نەوەی
نوێ ل پەرلەمانێ عێراقێ بۆ ئێن ئاڕ تی ڕاگەهاند، دەستپێکا حەفتیا بهێت پارە بۆ
مووچەیێ مەها چار دێ گەهیتە هەرێمێ، دبێژیت ژی، "قۆرخکرنا مووچەی ل چەند
بەنکان ژلایێ کەسەکی ڤە نەیاساییە".
ئەڤرۆ دووشەمبی، سروە عەبدولواحید سەرۆکا فراکسیۆنا نەوەی نوێ ل پەرلەمانێ عێراقێ بۆ ئێن ئاڕ
تی ڕاگەهاند، قۆرخکرنا مووچەی ل چەند بەنکان ژلایێ کەسەکی ڤە نەیاساییە و بڕیارا
دادگەها فیدرالی ژی یا هەی کو دڤێت ب بەنک کرنا مووچەیێ مووچەخۆرێن هەرێمێ ب رێکا
بەنکێن فیدرالی بیت.
ئاماژە ب وێ یەکێ ژی کر،
هەر ژ دەستپێکا داخازکرنا ب بەنک کرنا مووچەیێ هەرێمێ ئارمانجا وان ئەو بوو کو
مووچەی ل بن دەستێ پارتی و یەکێتی دەربینن و بکەنە د دەستەکێ باوەرپێکری دا هەیا بگەهیتە
دەستێ مووچەخۆران.
ئەو یەکژی بەرچاڤکر،
پەرلەمانتارێن پارتی و یەکێتی ئیمزا لسەر رەتکرنا پرۆژەیێ هژمارا من نەکرینە و
یەکێتی تا نها د بزاڤان دکەت بۆ بجهئینانا وی پرۆژەی و سزایا وان فەرمانبەران ددەت
کو هژمار من ناڤەکەن.
بەحسا وێ یەکێ ژی کر،
ئالیێن عێراقی دگەل ب بەنک کرنا مووچەیێ مووچەخۆرێن هەرێمێ نە و وان پێ باشە کو ب
رێکا بەنکێن فیدرالی بیت، دبێژیت ژی، "دێ بەردەوام بین ژ بزاڤان هەیا
فەرمانبەر ئازاد بن ژ هەلبژارتنا بەنکەکێ بۆ ب بەنک کرنا مووچەیێ خۆ و داخاز ژ وان
دکەین خۆ ژ هژمارا من دوویربێخن ژبەر کو ل بەغدا یا باوەرپێکری نینە.
راگەهاند ژی، ئەوا پارتی
و یەکێتی ب مووچەخۆران دکەن کارێ حکومەتێ نینە و کاری چەتەیانە و وان دڤێت
وەلاتیان بێزار بکەن، نها کو وەزیرا دارایی یا بەرهەڤە پارەیێ مووچەخۆرێن هەرێمێ
بهنێریت و مووچەیێ وان بکەتە بەنکی، لێ پارتی و یەکێتی ئاریشەیان بۆ دروست دکەن.