PM:11:48:29/04/2024
340 جار خوێندراوەتەوە
+
-
نووچەگەهانێ ئێن ئاڕ تی
راگەهاند، ل کۆمەلگەها مەلا ئۆمەر ژلایێ کەسەکی ڤە تەقە ل دوو وەلاتیان هاتەکرن و
ب وێ سەدەمێ دوو کەس بریندار بوون و رەوشا ساخلەمیا ئێک ژ وان نە یا بنەجهە.
ئەڤرۆ دووشەمبی،
نووچەگەهانێ ئێن ئاڕ تی ئەو یەک بەرچاڤکر، ل کۆمەلگەها مەلا ئۆمەر لسەر رێکا هەولێر
– پیرمام بوویەرەکا تەقەکرنێ روویدا.
ئاماژە ب وێ یەکێ ژی کر،
لدیف ئاخفتنا دیدەڤانان د وێ بوویەرێ دا تەقە ل دوو کەسان هاتیەکرن و تەقەکەر پشتی
تەقەکرنێ راستەوخۆ رەڤیە.
هەڤدەم، ژێدەرەکی ژ
نەخۆشخانەیا هەوارهاتنا رۆژهەلات بۆ ئێن ئاڕ تی ڕاگەهاند، ئەو دوو کەسێن تەقە ژێ
هاتیەکرن ژیانا خۆ ژدەستنەداینە، لێ رەوشا ساخلەمیا ئێک ژ وان نەیا بنەجهە.
ئەڤە د دەمەکی دایە، د
هەیاما دەربازبووی دا چەندین جاران ل کۆمەلگەها مەلا ئۆمەر و گوندێ شەوک ژبەر
ئاریشەیێن جڤاکی شەرە تەقە دروست بووینە و زیانێن گیانی ژی هەبووینە.