PM:01:00:29/04/2024
1124 جار خوێندراوەتەوە
+
-
نووچە گەهانێ ئێن ئاڕ تی
ڕاگەهاند، ژبەر هەبوونا ئاریشەیان د مووچەیێ مەها سێ دا، هنارتنا پەرەیێ مووچەیێ
مەها چار ژ لایێ عێراقێ پاشکەفتیە.
نووچەگەهانێ ئێن ئاڕ تی
ئاماژە ب وێ یەکێ ژی کر، ئاریشە د مووچەیێ مەها سێ دا هەبوون، ژبەر وێ چەندێ هنارتنا
پەرەیێ مووچەیێ مەها چار ژ لایێ بەغدا پاشکەفتیە.
ژێدەرەکی ژی ژ داراییا
عێراقێ بۆ ئێن ئاڕ تی ڕاگەهاند، هویربینی د لیستا مووچەیێ مەها چار دا تەمامبوویە
و ب گەهشتنا پارەیێ بەغدا دەست ب دابەشکرنا مووچەی دکەن.
دوهی ئێکشەمبیێ،
هویربینیێ د لیستا مووچەیێ فەرمانبەرێن هەرێمێ دا ژ وەزارەتا داراییا عێراقێ
دەستپێکر و ژێدەرەکێ هایدار ژی بۆ ئێن ئاڕ تی گۆت، د دوو رۆژان دا هویربینی تەمام
دبیت و پارەیێ مووچەی دێ هنێرن.
ئەڤە د دەمەکی دایە،
هەیاما نێزیکی ١٥ رۆژان وەزارەتا داراییا عێراقێ چاڤەرێی هەرێمێ بوو لیستا مووچەیێ
مەها نیسانێ بۆ بهنێریت، لێ هەرێمێ لیست درەنگ هنارت و دەمێ هنارتی ژی ئاریشە تێدا
هەبوو و داراییا عێراقێ ژی ڤەگەڕاند بۆ هەرێمێ.