AM:11:02:29/04/2024
1684 جار خوێندراوەتەوە
+
-
هەیاما دوو رۆژانە بهایێ دۆلاری بەردەوامە ژ
داکەفتنێ و د نها دا ل بازارێن دراڤێن هەرێمی بهایێ ١٠٠ دۆلار ب ١٤٤ هزار و ٩٠٠ دیناران
بازار پێ دهێتە کرن.
ئەڤرۆ دووشەمبی، ل هەمی نڤیسینگەهێن لهەڤگوهارتنا
دراڤی بهایێ دۆلاری گۆهرین بسەردا هات و بهایێ ١٠٠ دۆلاران ب ١٤٤ هزار ٩٠٠ دیناران
بازار پێ دهێتە کرن، د دەمەکێدا دوهی ئێکشەمبی، ل دەمێ داخستنا بازاران ١٠٠ دۆلار
لهەمبەر ١٤٥ هزار و ٥٠ دیناران بوو.
ژلایەکێ دیڤە ژی شێوەرمەندەکێ سودانی بۆ ئێن ئاڕ
تی ڕاگەهاند، سەرەدانا سودانی بۆ ئەمریکا سەدەمەکێ سەرەکیێ داکەفتنا بهایێ دۆلاریە
و دهێتە چاڤەرێ کرن ژی بهایێ دۆلاری زێدەتر بهێتە خار.
پشتی رێککەفتنا بەنکا ناڤەندی دگەل بەنکا جەی پی
مۆرگان، بەنکا ناڤەندی د هەیاما پێنج حەفتیێن دەربازبووی دا ب تێکڕا زێدەتری ئێک
ملیار و ٣٥٤ ملیۆن دۆلار فرۆتینە، د دەمەکێدا ل حەفتیا دەربازبووی، ئاستێ فرۆتنا زێدەتر
نەبوویە ژ ملیارەک و ٧٠ ملیۆن دۆلاران.
ئەڤە د دەمەکی دایە، عائد هیلالی، ئەندامێ شاندێ
سەرۆک وەزیرێن عێراقێ ل ئەمریکا بۆ ئێن ئاڕ تی ڕاگەهاند، سەرەدانا سودانی بۆ واشنتۆن
دەستەکەفتەکا زۆر بدەستڤەئینایە ب تایبەتی د بیاڤێ دارایی دا و رێکار بەرەڤ کۆنترۆلکرنا
بهایێ دۆلاری ب تەمامی دچن، چێدبیت د چەند رۆژێن بهێت دا ب ئاوایەکێ بەرچاڤ و بلەز
بهایێ دۆلاری دێ هێتە خار.