نەوەی نوێ داخاز دکەت، محەمەد شیاع سودانی سەرۆک وەزیرێن عێراقێ ب ئێکجاری
پرۆژەیێ هژمارا من ڕەت بکەت چونکی ئەو پرۆژەیە قۆرخکرنا مووچەیێ مووچەخۆرێن هەرێمێ
یە د چەند بەنکێن ئەهلی دا.
د نڤیسارەکێ دا فراکسیۆنا نوەی نوێ داخاز ژی دکەت، سەرۆک وەزیران رێکارێن
پێدڤی بگریتە بەر بۆ ڕاگرتنا ڤێ قۆرخکاریێ و ب دەستڤەئینانا مافێن دەستووریێن
مووچەخۆرێن هەرێمێ ب بانکیکرنا مووچەیێن وان.
ئاماژە ب وێیەکێ ژیکر، داخاز دکەن مووچەیێ هەمی فەرمانبەران و خانەنشینان و
چاڤدێرێن جڤاکی ل هەرێمێ هەڤئاوایێ مووچەخۆرێن عێراقێ ب رێکا بەنکێن فیدرالیی ڤە
بهێتە دابەشکرن و هەمی وەزارەت و رێڤەبەریێن هەرێمێ راستەوخۆ مامەلەیێ دگەل
وەزارەتا داراییا عێراقێ دا بکەن بۆ ب بەنکیکرنا مووچەیێ مووچەخۆرێن وان ب بێ ڤەگەریان
بۆ حکومەتا رێڤەبرنا کارێن هەرێمێ.
بەحسا وێیەکێ ژیکر، پێدڤیە هەمی بەنک ئاسانکاریێ بکەن بۆ پرۆژەیێ ب بانکیکرنا
مووچەیێ مووچەخۆرێن هەرێمێ ب ئاوایەکێ مووچەخۆر بشێن ل نیزیکترین جهێ ئاکنجیبوونا
خۆ مووچەیێن خۆ وەربگرن.
