PM:11:13:02/02/2024
1880 جار خوێندراوەتەوە
+
-
روانگەها سوری بۆ مافێن مرۆڤی بەلاڤکر، ژ ئەنجامێ بۆمبەبارانکرنا
دەڤەرێن مەیادین و بولکەمەمال ل سنورێ دێرەزور ل رۆژهەلاتا سوریا شەش کەسان ژیانا
خۆ ژ دەستدان.
ئەڤرۆ ئەینیێ، روانگەها سوری بۆ مافێن مرۆڤی بەلاڤکر، ژ
لایێ بالەفرێن شەڕی ڤە سێ جاران دەڤەرا مەیادین و جارەکێ دەڤەرا بولکەمال ل سنورێ دێرەزور ل رۆژهەلاتا
سوریا هاتنە بۆمبەبارانکرن.
ئاماژە ب وێ یەکێ ژی هاتیە کر، ژ ئەنجامێ وان هێرشان شەش
ئەندامێن گروپێن چەکدار ژیانا خۆ ژ دەستدان و چار ئەندامێن دی ژی برینداربوون.
ئەویەک ژی بەرچاڤ کر، هەیا نها ئەو بالەفڕ ناهێنە نیاسین و دیار نینە سەر ب
چ ئالیەکێ نە، هەروەسا هەیا نها ب چری بسەر دەڤەرێن سنورێ دێرەزور دزڤڕن.
ژ لایێ خۆڤە ژی، بەرپرسەکێ وەزارەتا بەڕەڤانیا ئەمریکا ڕاگەهاند، هێرشێن
سەر دەڤەرا دێرەزور ژ لایێ ئەمریکا ڤە نەهاتینە ئەنجام دان.