PM:12:18:29/04/2024
376 جار خوێندراوەتەوە
+
-
سەقاناسیا هەرێمێ پێشبینیا ساقای ڕاگەهاند و ئاماژە ب وێیەکێ کر، تۆز
بارین دێ دەستپێکەت و سوبەهی ل دەمێن نیڤرۆ تاڤیێن بارانێ و بریسی دەڤەرێن چیایێن
رۆژهەلات و باشوورێ هەرێمێ دێ ڤەگریت و دیڤدا دەڤەرێن دی ژی دێ ڤەگریت، دبێژیت ژی،
"پلەیێن گەرمێ دێ نزم بن و هەوا دێ چالاک بیت"
ئەڤرۆ دووشەمبی، رێڤەبەریا گشتی یا سەقاناسی و
عەردهەژزانا هەرێمێ ڕاگەهاندنەک بەلاڤکر و تێدا هاتیە، ئەسمان ساهی دبیت و دیڤدا
دهێتە گهۆرین بۆ نیڤ عەور دگەل هەبوونا تۆزەکا کێم، ل دەمێن شەڤێ ژی دا بارانەکا
کێم ل دەڤەرێن جودا جودا دێ باریت و ل دەڤەرێن چیایی ئەو رێژەیە زێدەتر دبیت.
ئەو یەکژی هاتیە، مەودایێ دیتنێ دناڤبەرا ٦ بۆ ٨ کم دبیت لێ ل وان
دەڤەرێن تۆز بارین هەی بتایبەت دەڤەرێن باشوورێ هەرێمێ مەوادیێ دیتنێ دناڤبەرا ٤
بۆ ٥ کم دبیت، پلەیێن گەرمێ ژی ل دەڤەرێن گەرمیان دێ نزم بن.
دەربارێ سەقایێ سوبەهی سێشەمبیێ ژی بەحسا وێیەکێ کر، ئەسمان نیڤ عەور
بۆ عەورێن تەمام دهێتە گۆهرین دگەل هەبوونا تۆزەکا کێم ل دەڤەرێن باشوورێ هەرێمێ،
ل دەمێن پشتی نیڤرۆ تاڤیێن بارانێ و بریسی دەڤەرێن چیایێن باکوورێ رۆژهەلات و
باشوورێ هەرێمێ دێ ڤەگریت دیڤدا پڕانیا دەڤەرێن هەرێمێ ڤەدگریت ب ئاوایێ دلۆپ
دلۆپ.
ئەو یەکژی بەرچاڤ کر، د دەمێن شەڤێ دا کارتێکرنێن وێ پێلا تاڤیێن
بارانێ و بریسیان لاواز دبن لێ ب سەدەمێ نە بنەجهیا بەرگەیێ هەوایێ دەڤەرێ بۆ
رۆژێن دیڤدا دابارین دەم دەم بەردەوام دبیت.
هەڤدەم، لەزاتیا هەوەی ل دەمێن پشتی نیڤرۆ چالاک دبیت بۆ زێدەتری ٤٠
کم د دەمژمێرەکێ دا و ل دەڤەرێن گەرمیان کارتێکرنێن وی زێدەتر دبن دیڤدا ل دەمێن
شەڤێ دا کارتێکرنا وی هەوای لاواز دبیت و دێ کێم بیت بۆ رەوشا ئاسایی، پلەیێن
گەرمێ ژی چەند پلەیان دێ نزم بن.
بلندترین پلەیا گەرما پێشبینیکری ب پەلیا سیلیزی:
هەولێر : ٣٥
سلێمانی : ٣٢
دهۆک : ٣٣
زاخۆ : ٣٤
هەلەبجە : ٣٣
کەرکوک : ٣٥
سۆران : ٣٢
حاجی ئۆمەران : ٢٢
گەرمیان : ٣٦