PM:05:13:03/01/2024
1312 جار خوێندراوەتەوە
+
-
میدیایێن
ئیرانی ڕاگەهاندن، هژمارا ژیان ژ دەستدانێ ژ ئەنجامێ دوو تەقینان ل باژێرێ کرمان ل
نێزیک گۆڕێ قاسم سولەیمانی بەردەوام بلند دبیت و تا نها 103 کەسان ژیانا خۆ
ژدەستدانە و زێدەتری 170 کەسێن دی ژی برینداربوونە.
ئەڤرۆ چارشەمبی، میدیایێن ئیرانێ ڕاگەهاندن،
ل سەنتەرێ باژێرێ کرمان ل باشوورێ رۆژاهەلاتا ئیران ل دەمێ برێڤەچوونا سالڤەگەڕا ژیان
ژدەستدانا قاسم سولەیمانی دوو تەقین روویدان.
ئاماژە ب
وێیەکێ ژی کرن، لدویف ئاماران تا نها 103 کەسان ژیانا خۆ ژدەستدان و زێدەتری ١٧٠
کەسێن دی ژی برینداربوونە و بەردەوام هژمارا ژیان ژدەستدانێ بلند دبیت.
هەڤدەم، رەزا
فەلاح بەرپرسێ مەها سور ل باژێرێ کرمان ڕاگەهاند، تیمێن مە بەردەوامن ژ
چارەسەرکرنا و ڤەگوهاستنا برینداران بۆ نەخۆشخانەیان، لێ ژبەر قەرەبالەغیێ رێک
هاتینە گرتن.
ئەڤرۆ
سالڤەگەڕا ژیان ژدەستدانا قاسم سولەیمانی فەرماندەیێ فەیلەقا قودس یێ ئارتێشا
پاسدارێن ئیرانێ و ئەبو مەهدی موهەندیس هاتە ساخ کرن کو ل رۆژا 3\1\2020 ژلایێ
بالەفڕا بێ بالەفڕڤانا ئەمریکا بوونە ئارمانج و ژیانا خۆ ژدەستدان.