PM:09:45:16/04/2024
1416 جار خوێندراوەتەوە
+
-
ژێدەرەکی ژ
حکومەتا عێراقێ بۆ ئێن ئاڕ تی ڕاگەهاند، هێزێن سیاسیێن عێراقێ لسەر جێبەجێکرن و
هنارتنا مووچەیێ هەرێمێ د دەمێ خۆ دا ڕێککەفتن، پەرلەمانتارەکێ نەوەی نوێ ژی
ئاماژە ب وێیەکێ کر، هەمی بزاڤان دکەن دا کو مووچەخۆرێن هەرێمێ پێکڤە دگەل مووچەخۆرێن
عیراقێ ل بەنکێن عێراقێ مووچەی وەربگرن، هەڤدەم، سودانی ژی ل ئەمریکا تەکەز کر کو ئاریشەیا
مووچەیێ هەرێمێ هاتیە چارسەرکرن.
ئەڤرۆ سێشەمبی، ژێدەرەکی ژ
حکومەتا عێراقێ بۆ ئێن ئاڕ تی ڕاگەهاند، هێزێن سیاسیێن عێراقێ لسەر جێبەجێکرن و
هنارتنا مووچەیێ هەرێمێ د دەمێ خۆ دا ڕێککەفتن و سودانی ژی ل ئەمریکا تەکەزی لسەر
وێیەکێ کر کو ئاریشەیا مووچەیێ هەرێمێ هاتیە چارەسەرکرن.
ژلایێ خۆڤە ژی،
ئاریان تاوگۆزی پەرلەمانتارێ فراکسیۆنا نەوەی نوێ ل پەرلەمانێ عێراقێ بۆ ئێن ئاڕ
تی ڕاگەهاند، هەمی بزاڤێن وان بۆ وێیەکێ نە کو مووچەیێ مووچەخۆرێن هەرێمێ د دەمێ
خۆدا بهێنە دابەشکرن و دگەل مووچەخۆرێن عێراقێ مەهانە مووچەی وەربگرن.
هەڤدەم، شاخەوان عەبدوللا جێگرێ سەرۆکێ پەرلەمانێ عێراقێ د
سالڤەگەرا کۆمکوژیا ئەنفالێ دا ل پەرلەمانێ عێراقێ ڕاگەهاند، "ئەو لهەمبەر
لێپرسینەکە مەزنا یاسایی و ئەخلاقین بۆ قەرەبووکرنا کەسوکارێن ئەنفالکریان، هەیا
پێنگاڤێن کردەیی بهاڤێژین بۆ باشترکرنا ژیار و مووچە و ژیانا وان، هەروەسا گۆڕێن ب
کۆم بهێنە هلدان و روفاتێن وان بۆ عەزیزێن وان بهێنە ڤەگەراندن".
ئەڤە ژی د دەمەکێدایە، ئێکەمجارە د هەیاما 32 سالێن دەربازبووی دا
سەرۆکێ ئەمریکا تەکەزیێ لسەر ئەنجامدانا هەلبژارتنا پەرلەمانێ کوردستانێ بکەت و
پشتەڤانیا خۆ بۆ ئەنجامدانا هەلبژارتنێ ڕابگەهینیت.
هەڤدەم، محەمەد
شیاع سودانی سەرۆک وەزیرێن عێراقێ د جڤینا دگەل ئەنتۆنی بلینکن وەزیرێ دەرڤەیێ
ئەمریکا دا ل کۆچکا سپی ڕاگەهاند، ئەگەر هەلبژارتنا پەرلەمانێ کوردستانێ د
رۆژا ١٠ـی حوزەیرانا ئەڤسالە دا نەهێنە ئەنجامدان، دێ مەترسی لسەر قەوارەیا هەرێمێ
دروست بیت.