PM:05:42:16/04/2024
48 جار خوێندراوەتەوە
+
-
پارێزگارێ هەولێرێ بۆ دیجیتال میدیایا ئێن ئاڕ
تی ڕاگەهاند، لسەر سکالایا بەشەکا دوکاندارێن بازارێ لەنگەی چەند کەسەک ب تۆهمەتا
سوتنا وی بازاری دەستەسەر کرینە.
ئەڤرۆ سێشەمبی، ئۆمێد خۆشناو پارێزگارێ هەولێرێ
د داخۆیانیەکێ دا بۆ دیجیتال میدیایا ئێن ئاڕ تی ئاماژە ب وێیەکێ کر، ل رۆژا ئێکشەمبیێ
چەند کەسەک ب تۆهمەتا سوتنا بازارێ لەنگەیێ هەولێرێ هاتینە دەستەسەرکرن.
ل ٣ـێی نیسانا ئەڤسالە جارەکادی ئاگر بەربوو
بازارێ لەنگەیێ هەولێرێ و د هەیاما کێمتری دوو مەهان دا ئەو دووەم جار بوو ئاگر بەربوویە
وی بازاری، ژبلی کو د سالێن دەربازبووی ژی دا زی ب زی ئاگر بەردبوو بازارێ لەنگەیێ
هەولێرێ و بوویە سەدەمێ گەهاندنا زەرەرەکا زۆر ب کاسبکارێن وی بازاری.
ل سالا ٢٠١٨ـێڤە سێ جاران ئاگربەربوو بازارێ لەنگەیێ
هەولێرێ و تێدا سەدان کەسبکار زەرەرمەند بووینە. هەڤدەم، چەند بارەبوونا وی ئاگری
گۆمان لدەڤ خەلکێ دوکانداران دروست کریە، ب ئاوایەکێ بنێرینا وان وەسایە دەستەک ل
پشت وی ئاگری هەیە.
ئەڤە ژی د دەمەکێدایە، ل هەرێمێ یاسایەک بۆ قەرەبوکرنا
زیانپێکەفتیێن کارەستێن و سروشتی و بوویەران هاتیە دانان و د هەیاما دەربازبووی ژی
دا نەهاتنە قەرەبووکرن.
هێرش قادر- هەولێر