AM:08:27:16/04/2024
236 جار خوێندراوەتەوە
+
-
لدیڤ داتایێن بازارێن
جیهانی یێن پەترۆلێ، د نها دا ئێك بەرمیلا پەترۆلا برێنت ب ٩٠ دۆلار و ٦١ سەنتا
بازار پێ دهێتەکرن، هەڤبەری ب دوهی دووشەمبیێ، بهایێ وێ بلند بوویە.
ئەڤڕۆ سێشەمبی، لدیف
داتایێن بازارێن جیهانێ، بهایێ ئێک بەرمیلا پەترۆلا رۆژئاڤایێ تێکساس ب ٨٥ دۆلار و
٩٢ سەنتان بازار پێ دهێتەکرن.
سەدەمێن بلندبوونا بهایێ پەترۆلێ د بەرێ دا:
پشتی گرژی و ئالۆزیێن
رۆژهەلاتا ناڤەراست بۆ بەرەڤ دەڤەرێن سوریا، بازارێن جیهانێ نە بنەجهی بخۆڤە دیت و
بهایێ ئێک بەرمیلا پەترۆلا برێنت ب ٩٠ دۆلار و ٧٥ سەنتان بازار پێ هاتە کرن.
شارەزا ئاماژە ب وێیەکێ دکەن،"بهایێ پەترۆلێ دێ نێزیک بیت ژ١٠٠ دۆلاران".
ناڤەندا کارگێڕیا
ئەنەرژیا ئەمریکا راگەهاند، د مەها کانوونا دووێ یا ئەڤسالە دا ئاستێ وەبەرئینانا
پەترۆلێ بسەدەما نزم بوونا پلەیێن گەرمێ، ب رێژەیا ٦.٢٪ نزم بوویە و شرۆڤەکارێن
پەترۆلێ ژی دبێژن، ئەڤ نزم بوونە دێ بیتە سەدەمێ بلندبوونا بهایێ پەترۆلێ.
سەدەمەکا دی یا بنەجهیا
بهایێ پەترۆلێ د بلندیێ دا، دووبارە ب ئارمانج گرتن و تەقاندنا کەشتیێن پەترۆلێ نە
ژ لایێ گروپێن چەکدار، د هەمان دەم دا هێرشێن ئۆکرانیا بۆ سەر کەشتیێن پەترۆلێ و
زەڤیێن پەترۆلا رووسیا ئێکە ژ وان سەدەما کو بهایێ پەترۆلێ بۆ سەر ٨٩ دۆلاران
بلندبیت.