PM:04:53:15/04/2024
48 جار خوێندراوەتەوە
+
-
پەیڤدارا
کۆمسیۆنا بلندا سەربەخۆیا هەلبژارتنێن عێراقێ بۆ ئێن ئاڕ تی ڕاگەهاند، کۆمسیۆنێ پێنج
فۆڕمێن دەنگدانێ بۆ دەنگدانا تایبەت ل پارێزگەهێن سلێمانیێ، هەولێرێ، دهۆکێ و
هەلەبجە بەرهەڤ کرینە، دبێژیت ژی، " سوبەهی تەکنیک دێ دەست ب تاقیکرنا
ئامیرەیێن تایبەت ب پرۆسەیا هەلبژارتنێ کەت".
ئەڤرۆ دووشەمبی،
جومانە غەلای پەیڤدارا کۆمسیۆنا بلندا سەربەخۆیا هەلبژارتنێن عێراقێ بۆ ئێن ئاڕ تی
ڕاگەهاند، ب تێکڕا ١٧٠ بنگەهێن دەنگدانێ هەنە بۆ ئەنجامدانا هەلبژارتنا گەڕا شەشێ
یا پەرلەمانێ کوردستانێ کو حەفت بنگەهـ بۆ دەنگدانا تایبەت دهێنە بەرهەڤکرن.
ئاماژە ب وێیەکێ
ژیکر، ژ ١٧٣ بنگەهان ژی دەنگدانا گشتی بۆ هەلبژارتنا گەڕا شەشێ یا پەرلەمانێ
کوردستانێ ل پارێزگەهێن جودایێن هەرێمێ دێ هێتە ئەنجامدان.
بەحسا وێیەکێ ژی
کر، سوبەهی چارشەمبی ١٦ـی نیسانێ کۆمسیۆن ب رێکا لژنەیا تەکنیکی ڤە ب
سەرپەرشتیاریا عەباس فەتلاوی بەرپرسێ ئیدارەیا هەلبژارتنێ و موهەنەد عەباس هەڤکارێ
تەکنیکی دەست ب تاقیکرنا ئامێرێن پێدڤی بۆ ئەنجامدانا پرۆسەیا هەلبژارتنێ دکەن.
ئەڤە ژی د
دەمەکێدایە، مەها شەش یا ئەڤسالە بۆ ئەنجامدانا هەلبژارتنا پەرلەمانێ کوردستانێ
هاتیە دیارکرن و گڤاشتنێن زۆرێن ناڤخۆی و نێڤدەولەتی لسەر ئالیێن دەستهەلاتێ بۆ
ئەنجامدانا هەلبژارتنێ د دەمێ خۆ دا دهێنە کرن.