PM:02:55:15/04/2024
360 جار خوێندراوەتەوە
+
-
پەرلەمانتارەکێ
نەوەی نوێ ل پەرلەمانێ عێراقێ بەحسێ پرسا دامەزراندنا سێ ئێکەمێن زانکۆیێن هەرێم و
عێراقێ دکەت و دبێژیت، مافێ پێشکەشکرنا دامەزراندنێ بۆ هەمیان وەک ئێکە و سێ ئێکەمێن
هەرێمێ دشێن داخازا دامەزراندنێ پێشکێش بکەن.
رێبوار ئەورەحمان پەرلەمانتارەک نەوەی نوێ ل پەرلەمانێ
عێراقێ ڕاگەهاند، ب مەرەما دیفچوونێ بۆ ئاریشەیا وان ل دەمێ پێشکێشکرنا دامەزراندنێ،
دگەل نوینەرێ سێ ئێکەمێن زانکۆیێن هەرێمێ (ئاکنجیێن هەرێمێ و دەڤەرێن ئاریشە لسەر)
سەرەدانا جڤاتا راژەیا فیدرالی کرن.
ئاماژە ب وێ یەکێ
ژی کر، مەحمود تەمیمی سەرۆکێ جڤاتا راژەیا فیدرالی ئێک ب ئێک بەرسڤا پرسیارێن نوینەرێ
سێ ئێکەمان دا و تەکەزی کر کو مافێ پێشکەشکرنا دامەزراندنێ بۆ هەمی سێ ئێکەمێن
عێراق و هەرێمێ وەک ئێکە و بێ جوداهی دێ لبەر دەست بیت.
ئەو یەکژی
بەرچاڤکر، ئەو دەرچوویێن تا نها کۆد وەرنەگرتینە، سەدەمێ وێ ئەوە کو فایلێن وان ل
وەزارەتا خاندنا بلندا هەرێمێ رەوانەی وەزارەتا خاندنا بلندا عێراقێ نەهاتیەکرن.