PM:01:37:15/04/2024
1056 جار خوێندراوەتەوە
+
-
ژێدەرەکی ژ
وەزارەتا داراییا حکومەتا رێڤەبرنا کاران بۆ ئێن ئاڕ تی ڕاگەهاند، پلە بلندکرنا
فەرمانبەران ژ مەها پێنج ڤە دێ بۆ وان هێتە گرێدان و ژ وێ مەهێ ڤە ژی دێ هێتە
مەزاختن.
ئەڤرۆ دووشەمبی،
ژێدەرەکی ژ وەزارەتا داراییا حکومەتا رێڤەبرنا کارێن هەرێمێ بۆ ئێن ئاڕ تی ڕاگەهاند،
قۆناغا بەرهەڤکرنا لیستا پلەبلندکرنێ بەرەف داویێ دچیت و ل دەستپێکا مەها پێنج ڤە
پلەبلندکرن دێ هێتە گرێدان و تا دەمێ هنارتنا لیستا مووچەیێ مەها پێنج بۆ بەغدا،
هەمی کار وێ دێ تەمام بن.
بەحسا وێ یەکێ ژی
کر، هەمی مووچەخۆر بێ جوداهی هەمی ئەو پلە بلندکرنێن هەبووینە دێ بۆ وان هێنە
هژمارتن ل پشتی سالا 2015ـێ.
دەربارەی پلە
بلندکرنا سالێن 2015 تا 2024ـێ ئاماژە ب وێ یەکێ کر، ئەو پارەیە د ملێ حکومەتا
رێڤەبرنا کارێن هەریمێ دایە، لێ نها هەمی پارەی نادەت و بتنێ پلە بلندکرنا مەها
پێنج دێ بۆ مووچەخۆران هێتە مەزاختن.
ئەو یەکژی
بەرچاڤکر، پارەیێ پلە بلندکرنێ ل پشتی
سالا 2015 تا مەها چار یا ئەڤسالە دێ لدەف حکومەتا رێڤەبرنا کارێن هەریمێ وەک قەر
مینیت و دگەل بەغدا دەست ب گوتوبێژان دکەن تا رێکە چارەیەکێ بۆ ببینن و هەمی
پارەیێ پلە بلندکرنێ بۆ مووچەخۆرێن هەرێمێ ڤەگێرن، یان بەغدا هەڤکار بیت د
ڤەگەراندنێ دا، یان حکومەتا رێڤەبرنا کارێن هەرێمێ وان قەران بدەتەڤە مووچەخۆرێن
هەرێمێ.
هێرش قادر – هەولێر