دۆینە یەکێکە لە خواردنە فۆلکلۆرییەکان و زیاتر لە وەرزی زستاندا دەخورێت، جگە لەوەی گەرمی بە جەستە دەبەخشێت لە هەمان کاتدا سوڕی خوێن چالاک دەکات و کێش دادەبەزێنێت.

کامەران رەسوڵ ژاژڵەیی پسپۆڕی زانستی خۆراک لە نوێترین زانیاریی تەندروستیدا کۆمەڵێک سوودی خواردنی دۆینەی بەمجۆرە خستووەتە ڕوو:

یەکەم: وزە بە جەستە دەبەخشێت و یارمەتی چالاککردنی پڕۆسەی میتابۆلێزم و سووڕی خوێن دەدات.

دووەم: دەوڵەمەندە بە ڤیتامین و کانزاکان و ماددە ڕیشاڵییەکان بە تایبەت کۆمەڵەی ڤیتامین ( B ) کەڕۆڵێکی گرنگیان هەیە بۆ تەندروستیی مێشک و کۆئەندامی دەمار.

سێیەم: زۆر به‌سووده‌ بۆ کاتی ڕێجیم و دابه‌زاندنی کێش و ڕێگریکردن له‌ قه‌ڵه‌وبوونه‌وه‌ و زۆری کێش، چونکه‌ بڕێکی که‌م کالۆری تێدایه‌ و ده‌وڵه‌مه‌نده‌ به‌ مادده‌ ڕیشاڵییه‌کان و ئاو کە هەستی تێریت پێدەبەخشن.

چوارەم: کۆئەندامی هەرس چالاک دەکات، کە بەهۆیەوە چارەسەری قەبزی و گرژی ریخۆڵە دەکات.

پێنجەم: بەهێزکردنی کۆئەندامی بەرگریی لەش و یارمەتی خۆپاراستن لە هەڵامەت و پەتا وەرزییەکان دەدات .

شەشەم: خۆپاراستن له‌ هەندێک جۆری شێرپه‌نجه‌ بە تایبەت شێرپەنجەی مەمک و پڕۆستات.

حەوتەم: یارمەتی کۆنتڕۆڵکردنی بەرزی فشاری خوێن دەدات.

ئ.ل