PM:06:48:03/04/2026
728 جار خوێندراوەتەوە
کەمێک پێش ئێستا، بە موشەک و درۆن هێرشکرایە سەر کۆیە و هێزە ئەمنییەکان بۆ لێکۆڵینەوە و بەدواداچوونی زیاتر گەیشتوونەتە شوێنی رووداوەکە.
ئەمڕۆ هەینی ٣ـی نیسانی ٢٠٢٦، چاوگێک لە کۆیە، بە ئێن ئاڕ تی وت، هێرشەکە لە رێگەی سێ مووشەک و درۆنێکەوە ئەنجامدراوە و ئەو شوێنەی کردووەتە ئامانج کە پێشتر بارەگا و شوێنی نیشتەجێبوونی هێزەکانی دیموکراتی تێدابووە.
پەیامنێری ئێن ئاڕ تی باسی لەوەکرد، دەنگی
تەقینەوەی مووشەک و درۆنەکە لە ناو سەنتەری کۆیە و دەوروبەری بیستراوە، ئەمەش بووەتە
هۆی دروستبوونی ترس و دڵەڕاوکێ لای دانیشتووانی ناوچەکە.
هاوکات تا ئێستا قەبارەی زیانە گیانی
و ماددییەکانی ئەو هێرشە بڵاونەکراونەتەوە و هێزە ئەمنییەکان بۆ لێکۆڵینەوە و بەدواداچوونی
زیاتر گەیشتوونەتە شوێنی رووداوەکە.
