PM:01:35:21/03/2026
796 جار خوێندراوەتەوە
بەهۆی بارانی بەخوڕەوە لە چەند شوێنێک لە سنوری سلێمانی لافاو دروستبوو و ئاستەنگی هاتوچۆی دروستکرد، هاوکات بەهۆی بارانی چەند رۆژی رابردووەوە ئاستی ئاویی بەنداوەکان زیادیانکردووە.
بەهۆی بارانی بەخوڕەوە شەوی رابردوو لە سنوری شارەزوور لافاو دروستبوو و گرفتی هاتوچۆی لێکەوتەوە، بەجۆرێک بۆ ماوەیەک رێگای سەرەکی نێوان قەزای شارەزوور و سەید سادق داخرا.
هاوکات هەربەهۆی لافاوەوە، لەسەر رێگایی
تاسڵوجە سلێمانی ئاستەنگی هاتوچۆ
دروستبووە، لە دەربەندیخان و شارەزوور و زەرایەن زیان بە رێگاوبانەکان و بەشێک لە
ماڵان گەیشت.
بەڵام هاوکاتی ئەم زیانانە بارانی چەند رۆژی
رابردوو ئاستی ئاوی بەنداوەکانی وەک دووکان و دەربەندیخان و بەنداوە بچووک و
پۆندەکانیشی بەرزکردووەتەوە.
