AM:12:00:19/03/2026
1220 جار خوێندراوەتەوە
بەڕێوەبەرایەتی هاتووچۆی هەولێر رایگەیاند، لە رۆژانی جەژنی رەمەزاندا هاتوچۆی ئۆتۆمبێلی بارهەڵگر و ماتۆڕسکیل قەدەغەیە.
ئەمڕۆ چوارشەممە ١٨ـی ئازاری ٢٠٢٦، هاتوچۆی هەولێر لە راگەیەندراوێکدا بڵاویکردەوە، ئاگاداری شۆفێرانی بارهەڵگر و ماتۆڕسیکل دەکەینەوە، لە یەکەم ڕۆژی جەژنی رەمەزانەوە بۆ ماوەی پێنج رۆژ لە ٢٠ تاوەکو ٢٥ـی ئازاری ٢٠٢٦، هاتووچۆی ئۆتۆمبێلی بارهەڵگر و ماتۆرسکیل لە کاتژمێر حەوتی بەیانی تاوەکو ١٢ـی شەو لەو رێگەیانەی کە دەکەونە سەر شوێنە گەشتیاری و سەیرانگاکان قەدەغەیە.
ئاماژەی بەوەشکردووە،
بڕیارەکە "لەپێناو بەرژەوەندیی گشتی و دروستنەبوونی جەنجاڵی و ئاستەنگیی هاتووچۆ
و سەلامەتیی گەشتیاران لە رێگەکاندا” دراوە".
