PM:08:15:18/03/2026
680 جار خوێندراوەتەوە
سەرۆکی حکومەتی ماوەبەسەرچوو، لە پەیوەندییەکی تەلەفۆنیدا لەگەڵ شا عەبدوڵڵای دووەمی شای ئوردن، دۆخی گشتیی ناوچەكە و هێرشەكانی سەر هەرێمی كوردستان و عێراق و ئوردنیان تاوتوێ کرد.
ئەمڕۆ چوارشەممە ١٨ـی ئازاری ٢٠٢٦، لە پەیوەندییەکی تەلەفۆنییدا، مەسرور بارزانی، سەرۆکی حکومەتی ماوەبەسەرچوو کودستان و شا عەبدوڵلای دووەم، شای ئوردن، دۆخی گشتیی هەرێمی کوردستان و عێراق و ئوردن و ناوچەکە و پەرەپێدانی زیاتری پەیوەندیی دوولایەنەیان تاوتوێ کرد.
بە گوێرەی
راگەیەندراوەکی حکومەتی ماوەبەسەرچوو، لە پەیوەندییەکەدا گفتوگۆ لەبارەی پێشهاتەکانی
شەڕ و ئاڵۆزییەکان و هێرشەکانی سەر هەرێمی کوردستان و عێراق و ئوردن و وڵاتانی
ناوچە کرا.
هەروەها، لە تەوەرێکی
دیکەی گفتوگۆکاندا، باس لە قەیرانی ئابووری و دەرهاویشتەکانی لەسەر عێراق و ناوچەکە
کرا و ئاماژە درا کە هەرێم بۆ یارمەتیدان و سووککردنی باری قورسی ئابووری وەک هەنگاوێکی
یارمەتیدەر، رێگەی بە هەناردەکردنی نەوت لە رێگەی بۆریی نەوتی هەرێمی کوردستان بۆ
بەندەری جەیهانی تورکی دا.
