لەگەڵ دەستپێکردنی جەنگی ئەمریکا و ئیسرائیل لەگەڵ ئێران، پریشکی ئاگری شەڕ هەرێمی کوردستانیشی گرتەوە و ماوەی ١١ رۆژە شارەکانی هەرێم رۆژانە رووبەڕووی هێرشی مووشەکی و درۆن دەبنەوە.
رۆژێک دوای هێرشەکانی ئەمریکا و ئیسرائیل بۆ سەر ئێران هێرشەکان بۆ سەر هەرێم لە یەکی ئازار دەستی پێکرد و لەو کاتەوە بەردەوامە، بەپێی زانیارییەکان تا ئێستا ٢٤٥ هێرش کراوتەسەر شارەکانی هەرێم و تەنها لە شەوی رابردووەوە ١٧ جار هێرش کراوەتە سەر شارەکانی هەرێم.
بەهۆی هێرشەکانەوە تا ئێستا پێنج کەس
گیانیان لەدەستداوە و ٢٤ کەسی دیکەش برینداربوونو زیانێکی ماددی زۆریش بەر ئەو
ناوچانەی هێرشیانکراوەسەر کەوتووە، زۆرترین ژمارەی هێرشیش بۆ سەر شاری هەولێر و
دەورووبەری بووە و بە ٢٠٥ درۆن و مووشەک هێرشیکراوەتە سەر وسلێمانیشبە ٣٤ درۆن و مووشەک کراوەتە ئامانج ولە پارێزگانی دهۆکیش چوار هێرشی درۆنی کراوە
و دوو لە هێرشەکانیش بۆسەر پارێزگای هەڵەبجە بووە.
سەبارەت بە جۆری درۆنەکانیش بە گشتی سێ جۆر درۆن بەکارهێنراوە بۆ
هێرشەکان:
یەکەم جۆری درۆن، شاهید ١٣٦ـە و ئەم درۆنە
خۆکوژە و دوور مەودایە کە تا هەزار کیلۆمەتر دەڕوات و کاتێک خۆی بە ئامانجەکەدا
دەکێشێت دەتەقێتەوە و ئەوەش زیانەکانی زیاد دەکات.
دووەم جۆری درۆن، درۆنی موهاجیر ٦ـە کە
شەڕکەرە وتوانانی هەڵگرتنی بۆمبی هەیە، هاوکات بۆ چاودێریکردنیش بەکاردێت.
سێیەم جۆری درۆنیش، درۆنی ئەبابیل یەکێکی دیکەیە لە درۆنەکان و زۆرجار بۆ چاودێری بەکاردەهێنرێتوهەندێک جۆری هێرشیشی هەیە.