وتیشی، ئەو هێرشانە شەرمەزار دەکات کە کۆماری ئیسلامی ئێرانی کردووه‌تە ئامانج و کردەوەیەکی قبوڵنەکراوە کە گرژییەکانی ناوچەکە گەورەتر دەکات و بەرەو بارودۆخێکی مەترسیداری دەبات، کە خزمەت ناگەیەنێت بە ئاسایش و سەقامگیریی گەلانی ناوچه‌كه‌.

ئاماژەی بەوەشکرد، داوا دەکەن بە زووترین کات ئەو هێرشانە بوەستێنرێن و بگەڕێنەوە بۆگفتوگۆ کردن، کە تاکە چارەسەرە بۆ گەیشتن بەو بڕیارانەی کە ئاسایش و سەقامگیری گەلان دەپارێزێت و ناوچەکە دوردەخاتەوە لە گرژی زیاتر و کاردانەوەی مەترسیدار.

باسی لەوەشکرد، هەڵوێستی پتەوی عێراق دوپاتدەکەنەوە لە بەرامبەر هەر پێشێلکارییەکی سەروەری دەوڵەت یان بەکارهێنانی هێز لە دەرەوەی چوارچێوەی یاسا نێودەوڵەتییەکان، هەروەها رێزگرتن لە سەروەری و یەکپارچەیی خاکی دەوڵەتانی تر پرەنسیپێکی بنەڕەتی پەیوەندییە نێودەوڵەتییەکانە کە ناتوانرێت لە هیچ بارودۆخێکدا پشتگوێ بخرێت.
دەشڵێت، بەردەوامی ئەو هێرشانە کاردانەوەی مرۆیی و ئەمنی جددی دەبێت، داوا لە کۆمەڵگەی نێودەوڵەتی و بەتایبەت ڕێکخراوە ناوچەیی و نێودەوڵەتییەکان دەکەن کە هەنگاوی بەپەلە بنێن بۆ رێگریکردن لە پەرەسەندنی زیاتر، لەپێناو پاراستنی ئاسایش و سەقامگیری ناوچەیی و نێودەوڵەتی.