چوارچێوەی هەماهەنگی دوایین کۆبوونەوەی خۆی بۆ تاوتوێکردنی دۆخی سیاسی و نێودەوڵەتی ئەنجامدا و داوایان کرد پەلە بکرێت لە یەکلاکردنەوەی پۆستی سەرۆک کۆمار.
چوارچێوەی هەماهەنگی دواین کۆبوونەوەی خۆی ئەنجامدا و دوپاتیدەکەنەوە پابەندن بە بڕیارە نێودەوڵەتییەکان بەتایبەت بڕیاری ٨٣٣ـی نەتەوە یەکگرتووەکان کە تایبەتە بە دیاریکردنی سنووری نێوان عێراق و کوەیت. پاڵپشتی خۆشیان بۆ مافە نیشتمانییەکانی عێراق دەربڕی، لەوانە سپاردنی نەخشە و پۆتانە جوگرافییەکانی سنووری دەریایی عێراق.
لەبارەی پرسی
سەرۆک کۆماریشەوە دەڵێن،داوا لە پارتی و یەکێتی
دەکەن لەسەر کاندیدی هاوبەشی سەرۆک کۆمار رێکبکەون بۆ ئەوەی پۆستەکە یەکلایی
بکرێتەوە.
هەر لەکۆبوونەوەکەدا جەخت لەسەر یەکگرتوویی چوارچێوەکە
کرایەوە وەک هێزێکی سیاسی دەرەکی و وتیشیان، کە پێویستە پابەندبن بەو متمانەیەی کە
دەنگدەران لە هەڵبژاردنەکاندا پێیان بەخشیون بۆ جێبەجێکردنی کارنامەی حکوومەت و
خزمەتکردنی هاووڵاتیان.
سەبارەت ئاڵۆزییەکانی نێوان ئەمریکا و ئێرانیش داوایان کرد،
کە زمانی جەنگ و ئاڵۆزی وەلا بنرێت کەشی ئەرێنی دانوستانەکانی جنێف بقۆزرێتەوە بۆ
گەیشتن بە چارەسەر.
هاوکات، بەپێی راگەیەندراوەکەی چوارچێوەی هەماهەنگی باسی سەرۆک وەزیران نەکراوە.