PM:08:36:11/02/2026
460 جار خوێندراوەتەوە
شاندی ئیمراڵی لەگەڵ سەرۆک کۆماری تورکیا و سەرۆکی دەزگای میت سەبارەت بە پرسی ئازادکردنی ئۆجەلان کۆبووەوە و ئەردۆغانیش لە کۆبوونەوەی پارتەکەیدا وتی، نزیکن لە چارەسەرکردنی پرسی کورد و ئەوانیش وەک ئاکەپە هاوکار دەبن.
ئەمڕۆ چوارشەممە ١١ـی شوباتی ٢٠٢٦، ئەندامانی شاندی ئیمراڵی دەم پارتی کە پێکهاتبوون لە مەدحەت سەنجەر و پەروین بوڵدان لەگەڵ رەجەب تەیب ئەردۆغان و ئیبراهیم کاڵنی سەرۆکی دەزگای میت کۆبوونەوە و ناوەڕۆکی گفتوگۆکەش بریتیبوو لە پرسی ئازدکردنی عەبدوڵا ئۆجەلان و پێدانی مافی هیوا پێی.
پێش کۆبوونەوەکەی لەگەڵ شاندی ئیمراڵی رەجەب تەیب ئەردۆغان لە کۆبوونەوەی
فراکسیۆنی پارتەکەیدا باسی لە کارەکانی کۆمسیۆنی پەرلەمان، تایبەت بە چارەسەرکردنی
پرسی کورد کرد و وتی،کۆمسیۆنەکەیان
نزیکە لە تەواوکردنی ڕاپۆرتەکەی.
وتیشی، بە
ئاشکراکردنی راپۆرتەکە، بەرپرسیاری و ئەرکی زیاتر دەکەوێتە ئەستۆی لایەنە
سیاسییەکان هاوکات ئەوان وەک ئاکەپە هاوکار دەبن و بەرپرسیارێتی دەگرینە ئەستۆ
تاوەکو پرسی کورد بەشێوەیەکی هەمیشەیی چارەسەر ببێت.
ئەوەش لە کاتێکدایە، دەوڵەت باخچەلی چەندین جارە باس لە مافی هیوا و
ئازادکردنی عەبدوڵا ئۆجەلان و سەڵاحەدین دەمیرتاش لە زیندان دەکات و دەڵێت،
پێویستە هەردووکیان ئازادبکرێن و پرسی قەیومیش کۆتایی پێبهێنرێت.
