PM:06:26:10/02/2026
1164 جار خوێندراوەتەوە
مەکتەبی سیاسی یەکێتی بۆ تاوتوێکردنی سێ پرس کۆبووەوە، ئەوانیش پرسی سەرۆک کۆمار، پێکهێنانی حکومەتی نوێی هەرێم و کۆبوونەوەکەی سبەینێی مەسعود بارزانی و بافڵ تاڵەبانی بوو.
ئەمڕۆ سێشەممە ١٠ـی شوباتی ٢٠٢٦، بەپێی زانیارییەکان، لە کۆبوونەوەکەی ئەمڕۆی مەکتەبی سیاسی یەکێتی گفتوگۆ لەبارەی کاندیدی سەرۆک کۆمار و پرسی پێکهێنانی کابینەی نوێی حکومەتی هەرێم و کۆبوونەوەکەی سبەینێی نێوان مەسعود بارزانی و بافڵ تاڵەبانی کراوە.
هاوکات بە وتەی
میدیای حزبەکە، لە کۆبوونەوەکەدا تاوتوێی پرسی یەکلاکردنەوەی پۆستی سەرۆک کۆماری
عێراق کراوە و جەختیان لە نزار ئامێدى، بەربژێرى یەکێتیی بۆ پۆستى سەرۆک کۆمارى
عێراق کردووەتەوە.
ئەوەش لەکاتێکدایە، بڕیارە
سبەینێ جارێکی دیکە مەسعود بارزانی وبافڵ تاڵەبانی کۆببنەوە، لە کۆبوونەوەکەشدا
مەسروربارزانی و قوباد تاڵەبانیش بەشداربن، هێشتا روون نیە چ پێشنیازێکی نوێش لە
ئارادایە.
