PM:05:51:06/12/2025
364 جار خوێندراوەتەوە
پۆلیسی هەولێر وردەکاریی رووداوەکەی سەر شەقامی ٤٠ مەتریی هەولێری ئاشکرا کرد، کە تێیدا ئۆتۆمبێلێک خۆی کێشا بە دوو کارمەندی سکویریتی و دەستبەجێ گیانیان لەدەستدا.
ئەمڕۆ شەممە ٦ـی کانونی یەکەمی ٢٠٢٥، بەپێی راگەیەندراوەی بەڕێوەبەرایەتی پۆلیسی هەولێر، ئەو ئۆتۆمبێلەی خۆی کێشاوە بە پاسەوانەکاندا، جۆری تۆیۆتا – پیکاب بووە و و سەر بە وەزارەتی پێشمەرگەیە، شۆفێرەکەی لە کاتی رووداوەکەدا لە ژێر کاریگەری ماددە کحولییەکان بووە.
ئەوەش هاتووە، ئۆتۆمبێلێکی
جۆری مارسیدس لە بەردەم دەرگای شوقەکان وەستاوە و شۆفێرەکەی سەرقاڵی قسەکردن بووە
لەگەڵ دوو کارمەندی سکیوریتی بۆ ئەوەی رێگەی پێ بدەن بچێتە ژوورەوە، لەو کاتەدا
ئۆتۆمبێلە پێکابەکە خۆی کێشاوە بە مارسیدسەکە و دوو پاسەوانەکەدا.
پۆلیسی هەولێر
دەشڵێت، بەهۆی رووداوەکەوە هەردوو پاسەوانەکە بە ناوەکانی (محەمەد سەردار موحسین)
و (ئەحمەد محەمەد شەریف) گیانیان لەدەستداوە.
