دانیشتوانی گوندی گەرمک لە سنووری تەقتەق دژی داگیکردنی زەویەکانیان لەلایەن چەند بەرپرسێکەوە گردبوونەوە و پەرلەمانتارێکی نەوەی نوێش دەڵێت، "بەتەواوی پشتگیری خاوەن زەویەکان دەکەین و کێشەکەیان دەبەینە پەرلەمان".
ئەمڕۆ شەممە ٦ـی کانونی یەکەمی ٢٠٢٥، دانیشتوانی گوندی گەرمک لە سنووری تەقتەق گردبوونەوە و دەڵێن، ٢٠ ساڵە زەوییەکانیان لەلایەن کەسێکەوە دەستی بەسەرداگیراوە بە پشتگیری چەند بەرپرسێک و رێگەیان نادرێت زەوییەکانیان بەکاربهێنن.
هاوکات خالید محەمەد، پەرلەمانتاری نەوەی نوێ لە
پەرلەمانی کوردستان رایگەیاند، وەک پەرلەمانتاری فڕاکسیۆنی نەوەی نوێ بۆ پاڵپشتی
هاوڵاتیانی گوندی گەرمک و گوندەکانی سنووری تەق تەق بەشدابووین لەگردبوونەوە لەگەڵیان.
ئاماژەی بەوەشکرد، "بەتەواوی پشتگیری خاوەن زەویەکان دەکەین و کێشەکەیان دەبەینە پەرلەمان".
دەشڵێت، هاوڵاتیانی سنوورەکە
نزیکەی ٢٠ ساڵە لەسەر زەوی و زارو ئاوو خاکی باب و باپیرانیان دەرکراون و حکومەتی
ماوە بەسەرچوو ئامادەنیە مافی ئەو جوتیارانە بدات.